رەسەي بيلىگى مەملەكەتتىك دۋما سايلاۋى وتەتىن كۇنى ەلشىلىكتەرى مەن كونسۋلدىقتارى ماڭىندا ميتينگ وتكىزۋگە تىيىم سالۋدى سۇراپ، ديپلوماتيالىق قاتىناستاعى بارلىق ەلدەرگە نوتا جولدادى، دەپ حابارلايدى "ادىرنا".
Deutsche Welle مالىمەتىنشە، رەسەي سىرتقى ىستەر مينيسترلىگى كوميسسياسى توراعاسىنىڭ ورىنباسارى ماكسيم رايدەر حابارلادى. ونىڭ ايتۋىنشا، رەسەي تاراپى شەتەلدىك مەملەكەتتەردەن «سايلاۋ ۋچاسكەلەرىن ءتيىستى دەڭگەيدە قورعاۋ شارالارىن قابىلداۋدى» سۇراعان. اتاپ ايتقاندا، داۋىس بەرۋ كۇنى رەسەيدىڭ شەتەلدەگى ديپلوماتيالىق وكىلدىكتەرىنە جاقىن اۋماقتا دەمونستراتسيالار وتكىزۋگە جول بەرمەۋ ۇسىنىلعان.
«رەسەي ءوز تاراپىنان قول قۋسىرىپ وتىرمايدى»، – دەدى رايدەر. الايدا ول ميتينگىلەردىڭ ەلشىلىكتەر مەن سايلاۋ ۋچاسكەلەرىنە ناقتى قانداي قاۋىپ ءتوندىرۋى مۇمكىن ەكەنىن تۇسىندىرمەدى.
رەسەي مەملەكەتتىك دۋماسىنىڭ توعىزىنشى شاقىرىلىمىنا سايلاۋ 18-20 قىركۇيەك ارالىعىندا وتەدى. بۇعان دەيىن رەسەيدىڭ ورتالىق سايلاۋ كوميسسياسىنىڭ توراعاسى ەللا پامفيلوۆا شەتەلگە كەتكەن ازاماتتاردىڭ سايلاۋعا قاتىسۋ قۇقىعىنا قاتىستى پىكىر بىلدىرگەن. سونداي-اق رەسەيدىڭ «دوستىق قارىم-قاتىناستا ەمەس» دەپ سانايتىن ەلدەردەگى ەلشىلەرىنە سايلاۋ ۋچاسكەلەرىن ءتۇرلى اكتسيالار مەن ىقتيمال ارانداتۋشىلىقتاردان قورعاۋعا شاقىرۋ ۇسىنىلعان.
