Google kompanııasy óziniń «Kartalar» (Google Maps) qosymshasynda «Meksıka shyǵanaǵy» ataýyn «Amerıka shyǵanaǵy» dep ózgertti, dep habarlaıdy "Adyrna" ulttyq portaly.
Kompanııa bul ózgeris AQSh prezıdenti Donald Tramptyń jarlyǵyna sáıkes engizilgenin habarlady.
Resmı málimdemede «Kartalar» qosymshasyndaǵy «Meksıka shyǵanaǵy» ataýy geografııalyq ataýlar júıesin jańartý nátıjesinde ózgertilgeni aıtylǵan.
«Biz eki apta buryn habarlaǵanymyzdaı, osy jańartýǵa baılanysty ózgerister engizýdi bastadyq», – delingen málimdemede.
Aıta ketý kerek, AQSh-taǵy «Kartalar» qoldanýshylary endi «Amerıka shyǵanaǵy» ataýyn kórse, Meksıkada burynǵy «Meksıka shyǵanaǵy» ataýy saqtalady. Al basqa elderde eki ataý qatar kórsetilmek.
Kartografııalyq qyzmette jańa ataý qazirdiń ózinde engizilgen.
Eske sala keteıik, Donald Tramp Meksıka shyǵanaǵyn Amerıka shyǵanaǵy dep qaıta ataýdy 20 qańtardaǵy ulyqtaý rásiminde málimdegen edi. Sol kúni Tramp Aq úıde shyǵanaqtyń ataýyn resmı túrde ózgertý týraly jarlyqqa qol qoıdy. Meksıka shyǵanaqtyń ataýy búkil álemde moıyndalǵan jáne júzdegen jyldar boıy teńizdik navıgaııanyń mańyzdy nusqaýy retinde qoldanylyp kele jatqany týraly aıtqan edi.
