اقسۋ اۋداندىق سوتىنىڭ توراعاسى نۇرلان شايمەردەنوۆ ۇستالدى. بۇل تۋرالى سىبايلاس جەمقورلىققا قارسى ءىس-قيمىل اگەنتتىگى راستادى، دەپ حابارلايدى “ادىرنا”.
“سىبايلاس جەمقورلىققا قارسى قىزمەت جەتىسۋ وبلىسى اقسۋ اۋداندىق سوتىنىڭ توراعاسىنا قاتىستى سىبايلاس جەمقورلىق قىلمىسى بويىنشا كۇدىك بويىنشا تەرگەۋ باستالعانىن راستايدى”، - دەپ حابارلايدى اگەنتتىكتىڭ ءباسپاسوز قىزمەتى.
تەرگەۋ جالعاسىپ جاتىر. انتيكور زاڭ شەڭبەرىندە وزگە دە مالىمەتتەر جاريا ەتىلمەيتىنىن حابارلايدى.
نۇرلان شايمەردەنوۆ 1979 جىلى تالدىقورعان وبلىسى قارابۇلاق كەنتىندە دۇنيەگە كەلگەنى جازىلعان. پرەزيدەنتىنىڭ جانىنداعى مەملەكەتتىك باسقارۋ اكادەمياسىن اياقتاعان. ەڭبەك جولىن 2002 جىلى الماتى وبلىسىنىڭ مامانداندىرىلعان اۋدانارالىق ەكونوميكالىق سوتىندا مامان جانە سوت وتىرىسىنىڭ حاتشىسى بولىپ باستاعان. ودان كەيىن الماتى وبلىستىق سوتىندا سوت پريستاۆى، جەتەكشى مامان بولىپ جۇمىس اتقارعان.
2009 جىلى الماتى وبلىسى تالعار اۋداندىق سوتىنىڭ سۋدياسى قىزمەتىنە تاعايىندالىپ، اتالعان لاۋازىمدى 2021 جىلدىڭ قاراشا ايىنا دەيىن اتقارعان. كەيىن الماتى وبلىسى اقسۋ اۋداندىق سوتىنىڭ توراعاسى بولىپ تاعايىندالعان.
