Aqsý aýdandyq sotynyń tóraǵasy Nurlan Shaımerdenov ustaldy. Bul týraly Sybaılas jemqorlyqqa qarsy is-qımyl agenttigi rastady, dep habarlaıdy “Adyrna”.
“Sybaılas jemqorlyqqa qarsy qyzmet Jetisý oblysy Aqsý aýdandyq sotynyń tóraǵasyna qatysty sybaılas jemqorlyq qylmysy boıynsha kúdik boıynsha tergeý bastalǵanyn rastaıdy”, - dep habarlaıdy agenttiktiń baspasóz qyzmeti.
Tergeý jalǵasyp jatyr. Antıkor zań sheńberinde ózge de málimetter jarııa etilmeıtinin habarlaıdy.
Nurlan Shaımerdenov 1979 jyly Taldyqorǵan oblysy Qarabulaq kentinde dúnıege kelgeni jazylǵan. Prezıdentiniń janyndaǵy memlekettik basqarý akademııasyn aıaqtaǵan. Eńbek jolyn 2002 jyly Almaty oblysynyń mamandandyrylǵan aýdanaralyq ekonomıkalyq sotynda maman jáne sot otyrysynyń hatshysy bolyp bastaǵan. Odan keıin Almaty oblystyq sotynda sot prıstavy, jetekshi maman bolyp jumys atqarǵan.
2009 jyly Almaty oblysy Talǵar aýdandyq sotynyń sýdıasy qyzmetine taǵaıyndalyp, atalǵan laýazymdy 2021 jyldyń qarasha aıyna deıin atqarǵan. Keıin Almaty oblysy Aqsý aýdandyq sotynyń tóraǵasy bolyp taǵaıyndalǵan.
