الماتىدا ۇلى وتان سوعىسىندا فاشيستىك گەرمانياعا قارسى سوعىسقان كەڭەستىكتەر مەن قازاقستاندىقتاردى بالاعاتتاعان قىز تەرگەۋگە الىنىپ، ۇستالدى، دەپ حابارلايدى “ادىرنا” ۇلتتىق پورتالى.
«پوليتسيا دەپارتامەنتى بەيادەپ سوزدەر قولدانىپ، ۇلتقا ءتىل تيگىزگەن الماتى تۇرعىنىنىڭ ۇستالعانىن حابارلايدى. اتالعان فاكتى بويىنشا سوتقا دەيىنگى تەرگەۋ امالدارى جۇرگىزىلۋدە. سونىمەن قاتار، تەرگەۋ باسقا ايىپتالۋشىلاردىڭ ارەكەتىن زەردەلەۋدە، ولارعا ءتيىستى قۇقىقتىق باعا بەرىلەدى»، - دەپ حابارلادى الماتى پوليتسيا دەپارتامەنتىنىڭ (پد) ءباسپاسوز قىزمەتى.
بۇعان دەيىن جۋرناليست ميحايل كوزاچكوۆ جاعداي تۋرالى حابارلاعان بولاتىن.
«سيپاتتامادا بەلگىسىز ءبىر مارال جالەلوۆا ەسىمدى ادامنىڭ TikTok-تا ۇلتارالىق تاقىرىپتا سويلەگەن سوزدەرى تاراعان. قىزىق، ونىڭ سوزدەرىندە قىلمىستىق كودەكستىڭ 174-بابىندا (الەۋمەتتىك، ۇلتتىق، رۋلىق، ناسىلدىك، تاپتىق نەمەسە ءدىني ارازدىقتى قوزدىرۋ) بابىنا جاتاتىن زاڭ بۇزۋشىلىق بار ما؟». – دەپ جازدى كوزاچكوۆ ءوزىنىڭ Telegram-كانالىندا.
ۆيدەولاردىڭ بىرىندە بويجەتكەن اتا-بابالارى فاشيستىك گەرمانياعا قارسى سوعىسقان ورىستار مەن قازاقتار تۋرالى بالاعات سوزدەر ايتىپ، سونىمەن بىرگە ول نەمى تەردىڭ قولباسشىسى ادولف گيتلەرگە جاناشىرلىق تانىتادى.
«مەن ءۇشىن گيتلەر سىمباتتى!» – دەدى قىز.
ونىڭ سويلەگەن سوزىندە بالاعات سوزدەر بار، ال ەكىنشى بەينەدە اڭگىمەگە قاتىسۋشىلاردىڭ كەيبىرى ونىڭ سوزدەرىنە قوسىلىپ، ويىن قۇپتايدى.
