قىزىلوردادا 39 جاستاعى ايەل دىنارالىق ارازدىقتى قوزدىرىپ، تەرروريزمدى ناسيحاتتاعانى ءۇشىن 7 جىلعا باس بوستاندىعىنان ايىرىلدى. بۇل تۋرالى وبلىستىق پوليتسيا دەپارتامەنتى مالىمدەدى، دەپ حابارلايدى “ادىرنا”.
مالىمەت بويىنشا، ايەل دەسترۋكتيۆتى ءدىني اعىمنىڭ جاقتاۋشىسى بولعان جانە TikTok جەلىسىندە ەكسترەميستىك باعىتتاعى اۋديو-ۆيدەو ماتەريالداردى جاريالاپ وتىرعان.
وپەراتيۆتى-ىزدەستىرۋ ءىس-شارالارى بارىسىندا كۇدىكتى وبلىستىق پوليتسيا دەپارتامەنتىنىڭ ەكسترەميزمگە قارسى ءىس-قيمىل باسقارماسى مەن ۇقكد قىزمەتكەرلەرى تاراپىنان قولعا ءتۇستى.
وعان قاتىستى قر قىلمىستىق كودەكسىنىڭ 174-بابى (ارازدىق قوزدىرۋ) جانە 256-بابى (تەرروريزمدى ناسيحاتتاۋ) بويىنشا تەرگەۋ جۇرگىزىلىپ، ساراپتامالار تاعايىندالعان. سوت ۇكىمىمەن ايەل كىنالى دەپ تانىلىپ، قىزىلوردا قالالىق سوتى ونى 7 جىلعا باس بوستاندىعىنان ايىردى.
