كولىك مينيسترلىگى قالا اراسىندا جولاۋشى تاسىمالدايتىن اەروموبيلدەردى ىسكە قوسۋدى جوسپارلاپ وتىر. بۇل تۋرالى كولىك ءمينيسترى مارات قاراباەۆ مالىمدەدى، دەپ حابارلايدى “ادىرنا” ۇلتتىق پورتالى.
ءمينيستردىڭ ايتۋىنشا، بىلتىر مينيسترلىك وكىلدەرى وڭتۇستىك كورەيادا جولاۋشىلاردى الماتى اۋەجايىنان الاتاۋ قالاسىنا دەيىن اەروموبيلمەن تاسىمالداۋ ماسەلەسىن تالقىلاعان.
«اەروموبيل – بۇل وزىندىك شاعىن تىكۇشاق، سۋتەك نەگىزىندە جۇمىس ىستەيدى، بەس ادامعا دەيىن سىيادى. بۇل تەحنولوگيانى قازىر وڭتۇستىك كورەيا جانە امەريكا كومپانيالارى وتە جاقسى دامىتىپ جاتىر. قازاقستاندىق كومپانيالاردىڭ ءبىرى ەلىمىزدە اەروموبيل سالاسىن دامىتۋعا قىزىعۋشىلىق تانىتتى. ءبىز وسى ماسەلەنى تەرەڭىرەك زەرتتەپ جاتىرمىز. قازىر اەروموبيلدى ەلىمىزدە پيلوتتىق جوبا رەتىندە قولدانۋ ماسەلەسىن پىسىقتاپ جاتىرمىز»، - دەدى قاراباەۆ ۇكىمەت وتىرىسىندا.
مينيستر ءبىرىنشى كەزەڭ اەروموبيل الماتىدان الاتاۋ قالاسىنا دەيىن جولاۋشى تاسىمالدايتىنىن ايتتى. پيلوتتىق جوبا 2026 جىلدىڭ العاشقى جارتىجىلدىعىندا ىسكە قوسىلماق.
