ءانشى قايرات نۇرتاستىڭ جارى جۇلدىز ابدىكارىموۆا Instagram-پاراقشاسىندا بالالارىن قانشاعا كيىندىرگەنىن ايتتى، دەپ حابارلايدى “ادىرنا” ۇلتتىق پورتالى.
جۇلدىزدىڭ ايتۋىنشا، ساۋدا دۇكەندەرىندە ادام كوپ، بىراق تاڭداۋ جوق.
⠀ء"مينيستردىڭ مەكتەپ فورماسىن الۋعا 35 مىڭ تەڭگەنى قالاي جەتكىزگەنى تۋرالى كىم بىلەدى؟ قازىر كورەمىز قانشاعا شىققانىن، نارۇلعا ەكى شالبار، ءبىر پيدجاك، ءبىر جيلەت، ءبىر كويلەك، ءبىر پولو، ال حانعا ءبىر شالبار، ءبىر كويلەك، ءبىر پولو، جيلەت. پيدجاكتان حاننىڭ ولشەمى بولمادى، سوندىقتان باسقا جەردەن ىزدەيمىز" - دەگەن ول.
سونداي-اق، جۇلدىز وسى زاتتاردىڭ باعاسى قانشاعا شىققانىن كورسەتكەن.
"236 900. اياق كيىمسىز 200 مىڭنىڭ ۇستىنە شىقتى. بۇل تەك الۋ كەرەك كيىمدەردىڭ جارتىسى. تاعى ءبىر پيدجاك، تاعى ءبىر شالبار الۋ كەرەك. 4 گالستۋك، 1 بەلدەمشە 15 490 تەڭگە شىقتى. ءالى كويلەك الامىن، الاۋعا بەلدەمشە الامىن، قىزدارعا اياقكيىم الامىن", - دەيدى ول.
سونداي-اق، ول دۇكەندەر بيلىك وكىلدەرىنە "كەرەمەت قازاقستان" جاساپ قويادى دەپ رەنجەدى.⠀
"دوستار، مەن بۇل ستوريزدەرىمدى ءمينيستردى قارالاۋ ءۇشىن نە جامانداۋ ءۇشىن سالىپ جاتقان جوقپىن. ول كىسىنىڭ جۇمىسىنا، ءبىلىم سالاسىنا اكەلگەن تىڭ وزگەرىستەرىنە ريزامىن جانە قولدايمىن! بايقاساڭىزدار، بيلىك ادامدارىنىڭ ەشقايسىنا جاقىن ەمەسپىن، ماقتامايمىن دا. بىراق وسى ءمينيستردىڭ ءجۇزى جىلى، وقىعان، كورەگەن، ءبىلىمدى ادام دەپ قابىلدايمىن. ال مەكتەپ فورمالارىنىڭ ارزان ەمەس ەكەنى شىندىق. ءوز باسىم تۋعانىما جاقپاسا دا شىندىقتى ايتقاندى ۇناتامىن. سوندىقتان قازىرگى حالىقتىڭ شىندىعى - مەكتەپ فورماسىنىڭ قولجەتىمسىزدىگى. ءبىر جاعى ءمينيستردىڭ دە كىناسى جوق. نەگە؟! سەبەبى پرەزيدەنت كەلە جاتىر، مينيستر كەلە جاتىر دەپ، ەڭ جاقسى دۇنيەسىن شىعارىپ، باعاسىن ارزانداتىپ، "كەرەمەت قازاقستاندى" كورسەتىپ قويادى. ال قاراپايىم حالىق كەلسە، "رەالنو قازاقستانعا تۇسەدى". سوندىقتان بولار، حالىق پەن بيلىك ەكى تىلدە سويلەپ، ەكى ءتۇرلى ەلدە ءومىر ءسۇرىپ جاتقانداي كورىنەتىنى..." - دەپ جازعان ول.⠀
ول بارلىعى 300 مىڭ تەڭگەدەن اسىپ كەتكەنىن جەتكىزگەن.
"سونىمەن دوستار، ءجۇرىپ-ءجۇرىپ تاپقانىمىزدى الدىق. ءالى كوپ نارسە الىنعان جوق. بۇگىنگى ساۋدا 358 000 تەڭگەگە شىقتى. وعان كەڭسە تاۋارلارى كىرمەيدى", - دەيدى ول.
⠀
