ء"زاۋلىم كوتتەدج، بيزنەسىم جوق. ۋنيۆەرسيتەت، كوللەدج، مەكتەپتەرىم جوق. مەن قىزمەتتەن ابىرويمەن كەتتىم". بۇل پىكىردى قر وقۋ-اعارتۋ ەكس-ءمينيسترى اسحات ايماعامبەتوۆ نارتاي ارالبايۇلىنىڭ YouTube-ارناسىنا بەرگەن سۇحباتىندا ايتتى، دەپ جازادى "ادىرنا" ۇلتتىق پورتالى.
"مەملەكەتتىك قىزمەتتە بولعانىمدا كادىمگىدەي ءبىزدىڭ كوپشىلىكتىڭ ومىرىمەن ءومىر ءسۇردىم. سول دۇكەندەرگە باراتىنمىن. تۇرمىستا دا ءدال سونداي. مىسالى، جۇمىستا كەش قالىپ قويسام، جۇرگىزۋشىمدى ەرتەرەك جىبەرىپ، تاكسي الا سالاتىنمىن. سەبەبى، ونىڭ دا وتباسى بار. دەمالىس كۇندەرى ءوز كولىگىممەن جۇرەتىنمىن. كومەكشىلەرىم ەشقاشان مەنىڭ پورتفەلدەرىمدى، پاپكامدى ۇستاپ، ەسىكتى اشىپ كورگەن جوق. باراتىن جەرىمە ءوزىم جالعىز بارا سالامىن. قاي جەرگە بارسام دا، كومەكشىلەرىم جانىمدا جۇرمەيتىن. سوندىقتان ونداي ءبىر قىزمەتتەگى باياعىدان قالىپتاسىپ قالعان اداپتاتسيا قاجەت ەتەتىن ەشقانداي سەزىم بولعان جوق", - دەيدى ەكس-مينيستر.
ايماعامبەتوۆ نارتاي ارالبايۇلىنىڭ "كوللەدج اشىپ الۋعا، جەكە ۋنيۆەرسيتەت اشىپ الۋعا مۇمكىندىك بولدى. قول قوياتىن ءوزىڭىز. ءمور قولىڭىزدا. بىرەۋدىڭ اتىنا اشىپ تاستاپ... ەكس شەنەۋنىكتەردىڭ بايلىعىن ەستىگەندە شوك بولىپ جاتامىز" دەگەن سۇراعىنا كەلەسىدەي جاۋاپ بەردى:
ء"زاۋلىم كوتتەدج، بيزنەسىم جوق. ۋنيۆەرسيتەت، كوللەدج، مەكتەپتەرىم جوق. باسقا دا وسى ءبىلىم سالاسى بولسىن، جالپى ونداي تىرشىلىكپەن ەگەر سەن 3 جىل 7 اي بويى كۇنى-ءتۇنى مەملەكەتتىڭ قىزمەتىمەن اينالىسساڭ، ەگەر ۇيىقتاساڭ دا، تۇرساڭ دا باسىڭدا وسى ماسەلەلەر بولسا، وندا بۇنداي جەكە باسىڭدى ويلايتىن ۋاقىت بولمايدى", - دەپ جاۋاپ بەردى ايماعامبەتوۆ.
اسحات قاناتۇلىنىڭ ايتۋىنشا، قىزمەتتەن ابىرويمەن كەتۋدەن اسقان باقىت جوق.
"مەن وسى 3 جىل 7 اي بويى "قىزمەتكە كەلۋ ءبىر، ال قىزمەتتەن ابىرويمەن كەتۋ بار" دەگەندى ەشقاشان ەسىمنەن تاستاعان جوقپىن. پرەزيدەنتتىڭ سەنىمىن اقتاۋ، حالىقتىڭ سەنىمىن اقتاۋ، ەرتەڭ حالىقتىڭ باتاسىن الۋ... قىزمەتكە كەلۋ وڭاي دەپ ايتا المايمىن. بىراق قىزمەتكە كەلەسىڭ. ەڭ باستى ماسەلە - سول قىزمەتتەن ابىرويمەن كەتۋ. مەن قىزمەتتەن ابىرويمەن كەتتىم دەپ شۇكىرشىلىك ەتەمىن. بۇل ءار ادام ءۇشىن ۇلكەن باقىت دەپ سانايمىن. سوندىقتان بۇل تۇرعىدا ەشقانداي وكىنىش جوق، بولماۋى دا كەرەك",- دەيدى ايماعامبەتوۆ.
"ادىرنا" ۇلتتىق پورتالى
