Kólik mınıstrligi qala arasynda jolaýshy tasymaldaıtyn aeromobılderdi iske qosýdy josparlap otyr. Bul týraly kólik mınıstri Marat Qarabaev málimdedi, dep habarlaıdy “Adyrna” ulttyq portaly.
Mınıstrdiń aıtýynsha, byltyr mınıstrlik ókilderi Ońtústik Koreıada jolaýshylardy Almaty áýejaıynan Alataý qalasyna deıin aeromobılmen tasymaldaý máselesin talqylaǵan.
«Aeromobıl – bul ózindik shaǵyn tikushaq, sýtek negizinde jumys isteıdi, bes adamǵa deıin syıady. Bul tehnologııany qazir Ońtústik Koreıa jáne Amerıka kompanııalary óte jaqsy damytyp jatyr. Qazaqstandyq kompanııalardyń biri elimizde aeromobıl salasyn damytýǵa qyzyǵýshylyq tanytty. Biz osy máseleni tereńirek zerttep jatyrmyz. Qazir aeromobıldi elimizde pılottyq joba retinde qoldaný máselesin pysyqtap jatyrmyz», - dedi Qarabaev Úkimet otyrysynda.
Mınıstr birinshi kezeń aeromobıl Almatydan Alataý qalasyna deıin jolaýshy tasymaldaıtynyn aıtty. Pılottyq joba 2026 jyldyń alǵashqy jartyjyldyǵynda iske qosylmaq.
