قاشان دا قوعامعا اشىق بولىپ، حالىققا جاقىن بولا بىلگەن بىلىكتى توپ-مەنەدجەر اسحات ايماعامبەتوۆ بۇگىن وقۋ-اعارتۋ ءمينيسترى قىزمەتىنەن بوساتىلدى. ەشكىم كۇتپەگەن توسىن حاباردى ەستىگەن حالقىمىز ءمينيستردى قيمايتىندارىن جەتكىزدى، دەپ جازادى "ادىرنا" ۇلتتىق پورتالى.
قوعام قايراتكەرى مۇرات ابەنوۆ ايماعامبەتوۆ جايلى "ەلگە جاساعان قىزمەتىڭىزگە مىڭ العىس" دەگەن جازبا جاريالاپ، حالىقتىڭ سەنىمىنە يە بولعان مينيسترگە ريزاشىلىعىن ءبىلدىردى.
"مەملەكەتتىك قىزمەتشىنىڭ جۇمىسىن ءادىل باعالايتىن تەك حالىق. اسحات ايماعامبەتوۆتاي ءبىلىم سالاسىنا جاقسى وزگەرىستەر اكەلگەن ءمينيستردى اتاۋ قيىن اۋ. جارتى ميلليوننان استام ءبىلىم سالاسىنىڭ قىزمەتشىلەرىنىڭ باسىم كوپشىلىگى بۇل پىكىرگە تولىق قوسىلادى دەپ سەنەمىن. ارينە مينيستىرلىكتىڭ باسشىلىعىنان كەتكەنى وكىنىشتى. بىراق ازاماتتىڭ ابىرويى قىزمەت دارەجەسىمەن ەمەس، حالىقتىڭ سەنىمىمەن، تۇلعا رەتىندە ابىرويى مەن جيناعان بەدەلىمەن ولشەنەدى. جۇمىس ورىن ءالى تالاي رەت وزگەرۋى مۇمكىن، بىراق ونداي كەزدە شىن قۇرمەتتەيتىن قاراپايىم ادامداردىڭ سەنىمى وزگەرە قويمايدى. مەن اسحات ايماعامبەتوۆ ءالى دە قازاق ەلى ءۇشىن ايانباي قىزمەت جاسايتىنىنا جانە الداعى كەزەڭدە تالاي جەتىستىككە جەتەتىنىنە سەنەمىن! ابىروي بەدەلىڭىز ارتا بەرسىن!", - دەپ جازدى مۇرات ابەنوۆ.
اقمارال شاتەمىرقىزى ەسىمدى ۇستاز ءمينيستردىڭ وسى ۋاقىت ارالىعىندا ءبىلىم سالاسىندا قول جەتكىزگەن جەتىستىكتەرىنە توقتالىپ، مۇعالىمدەردىڭ اتىنان العىسىن ءبىلدىردى.
ء"بىلىم سالاسىنا جان-تانىمەن بەرىلە قىزمەت ەتكەن: قازاق ءتىلىنىڭ مارتەبەسىن كوتەرۋگە كۇش سالعان،ۇلتتىق الىپپەمىزدى قايتارعان، ديپلوم ساتۋمەن اينالىسقان جوعارى وقۋ ورىندارىن جاۋىپ، تالاي جەمقورلىقتىڭ الدىن العان، اۋىلدىق جەرلەردەگى وقۋشىلاردى اۆتوبۋستارمەن قامتىعان، "وقۋعا قۇشتار مەكتەپ" جوباسىمەن وقۋشىلاردىڭ نازارىن كومپيۋتەردەن كىتاپ وقۋعا اۋدارعان، مۇعالىمدەردى قاعازباستىلىقتان ارىلتقان، ەل ىشىندە مۇعالىمگە دەگەن قۇرمەت ارتتى، 5 كۇندىك جۇمىس ەنگىزىپ، مۇعالىمدەردىڭ ەل قاتارلى دەمالۋىنا مۇمكىندىك بەرگەن، باستاۋىش سىنىپتاردى تاماقتانۋمەن قامتاماسىز ەتۋگە ىقپال ەتكەن، وقۋشىلاردىڭ دا، مۇعالىمدەردىڭ دە ۇندەرىن ەستي بىلگەن، اردايىم حالىقتىڭ ورتاسىنان تابىلعان ءمينيسترىمىز اسحات ايماعامبەتوۆ. اسحات قاناتۇلى مىرزا، قاي سالادا جۇرسەڭىز دە امان بولىڭىز. ەڭبەگىڭىز ەرەن. سىزدەي ءبىلىمدى، وجەت ازاماتتار حالىققا قىزمەت ەتۋدى توقتاتپاۋى كەرەك. مۇعالىمدەردىڭ سىزگە دەگەن العىسى شەكسىز. ءسىز حالىققا كەرەكسىز", -دەپ جازدى ۇستاز.
ءماجىلىس دەپۋتاتى جۇلدىز سۇلەيمەنوۆا ايماعامبەتوۆتىڭ ءبىلىم سالاسىندا جۇزەگە اسىرعان تىڭ باستامالارىنا توقتالىپ ءوتتى.
"اسحات قاناتۇلى بولاشاعىنان ۇلكەن ءۇمىت كۇتتىرەتىن تاجىريبەلى ساياساتكەر. ءبىلىم جانە عىلىم سالاسىن، كەيىن وقۋ-اعارتۋ مينيسترلىگىن دامىتۋدا بەلسەندى ۇلەس قوستى. مەملەكەت باسشىسىنىڭ ءبىلىم سالاسىن دامىتۋعا باعىتتالعان تاپسىرمالارىن ساپالى جۇزەگە اسىرۋعا دەن قويدى. زامانعا ساي سالانى جەتىلدىرۋگە كۇش سالدى. بەرگەن ۋادەسىنە بەرىك بولدى. 2 مىسال كەلتىرەيىن: پەداگوگيكالىق ءوتىلى 30 جىلدان اسقان ۇستازداردى ۇلتتىق بىلىكتىلىك تەستىنەن بوساتۋ تۋرالى جانە بىلتىر، «التىن بەلگى» يەگەرلەرىن نازارباەۆ زياتكەرلىك مەكتەپتەرىندە 1 پاننەن ەمتيحان تاپسىرۋىن وتكىزبەۋ تۋرالى دەپۋتاتتىق كورپۋستىڭ ۇسىنىستارىن قابىلدادى، ورىندادى، حالىقتىڭ العىسىنا بولەندى. حالىقارالىق پاندىك وليمپيادا جۇلدەگەرلەرىنە جانە وسى جۇلدەگەرلەردى دايىندايتىن، سۇيمەلدەيتىن حالىقارالىق پاندىك وليمپيادا ترەنەرلەرىنە سىياقى جۇلدەقورىن زاڭمەن بەكىتىلۋىنە ۇلەس قوستى. ءبىلىم مازمۇنىنداعى 2013-2015 جىلدارى كەتكەن قاتەلىكتەردىڭ ورنىن تولتىرۋعا بايلانىستى ايتار بولسام، 2015 جىلدان بەرى 1-سىنىپتا وقۋشىلار 3-تىلدە وقىپ كەلدى. قوعامداستىق اراسىندا، اتا-انالار اراسىندا كوپ سۇراقتاردى تۋدىردى. سونى ەسكەرە وتىرىپ، قازاقستان رەسپۋبليكاسى وقۋ-اعارتۋ مينيسترلىگى بالانىڭ جاس ەرەكشىلىگىنە بايلانىستى ءتىلدى وقىتۋ مەتوديكاسىنا سايكەس، بيىل 2022-2023 وقۋ جىلىندا ءارىپتى تانىپ، بىلگەنگە دەيىن تەك انا تىلىندە الىپپەنى ۇيرەنۋى قاجەت دەپ وزگەرىستەر ەنگىزدى. نەگىزى 2019 جىلدان بەرى ناتيجەلى جۇمىستارى وتە كوپ. ءبىرازىن حالىقتىڭ ءوزى دە ايتىپ جاتىر. اسحات قاناتۇلى، ساياسات ساحناسىنا جاس ساياساتكەر رەتىندە قادام باسىپ، بۇگىندە سالماقتى تۇلعا، ءىرى رەفورماتور، رۋحاني باتىل قايراتكەر رەتىندە ءوزىن قوعامداستىققا مويىنداتتى دەپ ويلايمىن. اسحات قاناتۇلى ءبىزدىڭ زامانداسىمىز. قاي كەزەڭدە دە بەلگىلى ءبىر ۇرپاق پەن بۋىننىڭ ماڭدايىنا تاريح ءھام ۇلت الدىنداعى وزىندىك ورىندايتىن ميسسياسى بولادى. سول جولدا اسحات قاناتۇلىنا جاڭا جەڭىستەر جانە ءىرى جەتىستىكتەر تىلەيمىن!", - دەپ جازدى دەپۋتات.
دانا حالقىمىزدىڭ اق باتاسىن الىپ، العىسىن ارقالاعان اسحات قاناتۇلىنا جەلى قولدانۋشىلارى العىستارىن ءبىلدىرىپ، تولاسسىز اق تىلەكتەرىن ارناۋدا.
"حالقىنا ادال قىزمەت اتقارعان ءادىل مينيستر",ء"بىلىم سالاسى ءسىز كەلگەلى ەڭسەسىن تىكتەدى", "جاس بۋىن ەس بىلگەلى كورگەن ەڭ مىقتى مينيستر", "قاراپايىم، ناعىز ىسكەر باسشى رەتىندە بارلىق حالىق ءوزىڭىزدى قۇرمەتتەيدى جانە جاقسى كورەدى", "وسى كۇنگە دەيىن ءبىر ءمينيستردىڭ اتى، زاتىن بىلمەيتىن حالىققا ەڭ جاقىن مينيستر ەدىڭىز", "وتە وكىنىشتى، ءسىزدى حالىق قيماي جاتىر", "سىزدەي تاريحتا قالاتىن مينيستر ەندى بىزدە بولا ما، بولماي ما؟", "ۇلتقا قىزمەت ەتۋدىڭ شىنايى ۇلگىسىن كورسەتە ءبىلدىڭىز", "حالىقتىڭ كوڭىلىنەن شىققان جالعىز ءمينيسترسىز", - دەپ جىلى لەبىزدەرىن ءبىلدىردى جەلى قولدانۋشىلارى.
"ادىرنا" ۇلتتىق پورتالى
