قازاقستان ىشىمدىك ىشۋدەن 10 ەلدىڭ قاتارىنا ەندى

2523
Adyrna.kz Telegram

الكوگولدى تۇتىنۋ بويىنشا قازاقستان الەمدە 10-شى ورىندا تۇر. بۇل تۋرالى ۇكىمەت وتىرىسىندا وتكەن ەسەپ بەرۋ بارىسىندا قر دەنساۋلىق ساقتاۋ ءمينيسترى اجار عينيات مالىمدەدى، دەپ حابارلايدى “ادىرنا” ۇلتتىق پورتالى.

«ددسۇ زەرتتەۋىنە سايكەس، 15 جاستان اسقان ادامدار اراسىندا الكوگولدى تۇتىنۋ دەڭگەيى ەرلەر ءۇشىن جىلىنا 25 ليتر، ايەلدەر ءۇشىن - 9 ليتر. مىسالى، جول-كولىك وقيعالارى، ءتۇرلى توبەلەس، جاراقاتتار، زورلىق-زومبىلىق، ۋلانۋ، سۋعا كەتۋ جانە ت.ب. الكوگولدى ىشىمدىكتەردى پايدالانۋدىڭ كەسىرىنەن ورىن الادى»، - دەدى مينيستر.

سونداي-اق مينيستر ەلىمىزدەگى تەمەكى ونىمدەرىن تۇتىنۋ دەڭگەيىنە توقتالدى.

«قازاقستان رەسپۋبليكاسىنىڭ ەرەسەك تۇرعىندارى اراسىندا تەمەكى شەگۋ، ددۇ زەرتتەۋى بويىنشا 15 جاستان اسقان ادامدار اراسىندا 21,5% قۇرايدى، ال ەرلەر اراسىندا 38% استام، ايەلدەردە — 6,4%. تەمەكى شەگۋدى باستاۋدىڭ ورتاشا جاسى 17-دەن 18 جاسقا دەيىن»، - دەدى باسقارما باسشىسى.

“ادىرنا” ۇلتتىق پورتالى

پىكىرلەر