تۇركيا پرەزيدەنتى ەردوعان وزبەكستان جانە ازەربايجان مينيسترلەرىن قابىلدادى، دەپ حابارلايدى "ادىرنا" ۇلتتىق پورتالى.
تۇركيا پرەزيدەنتى رەجەپ تايىپ ەردوعان انكارادا وزبەكستان مەن ازەربايجان مينيسترلەرىمەن جابىق كەزدەسۋ وتكىزدى.
كەزدەسۋگە ازەربايجاننىڭ سىرتقى ىستەر ءمينيسترى دجەيحۋن بايراموۆ، وزبەكستاننىڭ سىرتقى ىستەر ءمينيسترى باحتيار سايدوۆ، ازەربايجاننىڭ ەكونوميكا ءمينيسترى ميكايل دجابباروۆ، وزبەكستاننىڭ ينۆەستيتسيالار، ونەركاسىپ جانە ساۋدا ءمينيسترى لازيز قۇدراتوۆ، وزبەكستاننىڭ كولىك ءمينيسترى يلحام ماحكاموۆ جانە ازەربايجاننىڭ تسيفرلىق دامۋ جانە كولىك ءمينيسترى راشاد نابيەۆ قاتىستى.
سونداي-اق، جيىندا تۇركيانىڭ سىرتقى ىستەر ءمينيسترى حاكان فيدان، ساۋدا ءمينيسترى ومەر بولات، كولىك جانە ينفراقۇرىلىم ءمينيسترى ابدۋلكادير ۋرالوعلۋ مەن پرەزيدەنتتىڭ سىرتقى ساياسات جانە قاۋىپسىزدىك جونىندەگى كەڭەسشىسى اكيف چاعاتاي كىلىچ بولدى.
كەزدەسۋ بارىسىندا ەكىجاقتى جانە ۇشجاقتى ىنتىماقتاستىق، ساۋدا، كولىك جانە ينۆەستيتسيا سالالارىنداعى سەرىكتەستىكتى دامىتۋ ماسەلەلەرى تالقىلاندى.