تۇركيادا پرەزيدەنت مۇشە بولعان پارتيا مۋنيتسيپالدىق سايلاۋدا وپپوزيتسيادان جەڭىلدى، دەپ حابارلايدى "ادىرنا" ۇلتتىق پورتالى فەرعانا اگەنتتىگىنە سىلتەپ.
رەجەپ تايىپ ەردوعان مۇشەلىك ەتەتىن ادىلەت جانە دامۋ پارتياسى انكارا مەن ىستامبۇلدا وتكەن مۋنيتسيپالدىق سايلاۋدا وپپوزيتسيالىق رەسپۋبليكالىق حالىق پارتياسىنان جەڭىلىپ قالدى.
وپپوزيتسيالىق رەسپۋبليكالىق حالىق پارتيا سوڭعى 20 جىلدا العاش رەت بيلىكتەگى ادىلەت جانە دامۋ پارتياسىن جەڭگەن.
پرەزيدەنت ەردوعان جەڭىلىسكە «بۇل – بەتبۇرىس جاسايتىن ۋاقىت جەتكەنىن كورسەتەدى» دەدى.
"بۇل سايلاۋ ءبىز ءۇشىن بەتبۇرىستى كەزەڭ بولماق. حالقىمىز سايلاۋ ارقىلى ءوز قالاۋىن ءبىلدىردى. بۇل ساياسي دودا ەڭ الدىمەن ءبىزدىڭ دەموكراتيامىزدىڭ كورسەتكىشى. بۇگىن قانداي پارتيا بولماسىن دەموكراتيالىق قۇقىقتارىن پايدالانىپ، ءوز تاڭداۋىن جاساعاندار جەڭىسكە جەتتى. انكارا مەرى مانسۇر ياۆاش پەن ىستامبۇل باسشىسى ەكرەم يماموعلۇ جەڭىستەرىن تويلاپ جاتىر. جالپى سايلاۋدا وپپوزيتسيالىق رەسپۋبليكالىق حالىق پارتياسى ءىرى قالالاردىڭ باسشىلارى ءۇشىن كۇرەستە 37,6%، ادىلەت جانە دامۋ پارتياسى 35,5% داۋىس جيناپ وتىر. ناقتىراق ايتقاندا 81 پروۆينتسيانىڭ 35-ءى اتاتۇرىك قۇرعان پارتيانىڭ، 24-ءى ەردوعان جەتەكشىلىك ەتەتىن اق پارتيانىڭ باسقارۋىنا ءوتتى. مانسۇر ياۆاش، انكارا مەرى: - بۇل ءبىزدىڭ ورتاق جەڭىسىمىز. ارقايسىمىز وسى قالانىڭ، وسى ۇلتتىڭ ابىرويلى مۇشەسىمىز. ساياسي كوزقاراسىمىز، ءار پارتيانىڭ ۇستانىمدارى وزگەشە بولعانىمەن ماقساتى – ءبىر. ول – حالقىمىزعا قىزمەت ەتۋ", - دەدى مەملەكەت پرەزيدەنتى.
