مەملەكەت باسشىسى قاسىم-جومارت توقاەۆ تۇركيا پرەزيدەنتى رەجەپ تايپ ەردوعانمەن تەلەفون ارقىلى سويلەستى، دەپ حابارلايدى «ادىرنا» ءتىلشىسى اقورداعا سىلتەمە جاساپ.
ەكى ەل باسشىلارى ءبىر-ءبىرىن قۇربان ايت مەرەكەسىمەن قۇتتىقتاپ، قازاقستان مەن تۇركيانىڭ باۋىرلاس حالىقتارىنا يگىلىك پەن باق-بەرەكە تىلەدى.
اڭگىمەلەسۋ بارىسىندا ساۋدا-ەكونوميكالىق، ينۆەستيتسيالىق جانە گۋمانيتارلىق سالالارداعى ەكىجاقتى ستراتەگيالىق سەرىكتەستىكتى ودان ءارى دامىتۋ پەرسپەكتيۆالارى تالقىلاندى.
سونىمەن قاتار بىلتىر مەملەكەت باسشىسىنىڭ انكاراعا جانە تۇركيا پرەزيدەنتىنىڭ استاناعا جاساعان مەملەكەتتىك ساپارلارى كەزىندە قول جەتكىزىلگەن ۋاعدالاستىقتاردى ءتيىمدى جۇزەگە اسىرۋعا باسا ءمان بەرىلدى.
بۇدان بولەك تاراپتار حالىقارالىق جانە وڭىرلىك كۇن تارتىبىندەگى وزەكتى ماسەلەلەر جونىندە پىكىر الماستى.
