رەسەيدىڭ ەكاتەرينبۋرگ قالاسىندا ۇستالعان "ازەربايجان-ورال" ۇيىمىنىڭ جەتەكشىسى شاحين شيحلينسكي بوساتىلدى، دەپ حابارلايدى "ادىرنا" ۇلتتىق پورتالى Report اگەنتتىگىنە سىلتەپ.
ازەربايجان دياسپوراسىمەن جۇمىس جونىندەگى مەملەكەتتىك كوميتەتتىڭ مالىمەتىنشە، شيحلينسكي تەرگەۋ ورگاندارىنا كۋا رەتىندە جاۋاپ بەرگەننەن كەيىن بوساتىلعان.
ەسكە سالايىق، شاحين شيحلينسكيدىڭ "باكۋ پلازا" ساۋدا ورتالىعى ماڭىندا ارنايى جاساق تاراپىنان ۇستالعانىن حابارلاعان ەدى. ۇستاۋ كەزىندە ونىڭ ۇلى مۋتۆالى شيحلينسكي دە بولعان. الايدا ول كوپ ۇزاماي بوساتىلعان.
66.RU رەسۋرسىنىڭ مالىمەتىنشە، ساۋدا ورتالىعى اۋماعىندا بىرقاتار قۇقىق قورعاۋ ورگاندارى قىزمەتكەرلەرى جۇمىس ىستەگەن.
تەكسەرۋ جۇمىستارى جالعاسۋدا.
ۇقساس جاڭالىقتار
