مەملەكەت باسشىسى تۇركيا پرەزيدەنتى رەجەپ تايىپ ەردوعانمەن تەلەفون ارقىلى سويلەستى. بۇل تۋرالى اقوردا جاريالادى، دەپ حابارلايدى “ادىرنا” ۇلتتىق پورتالى.
قاسىم-جومارت توقاەۆ ەردوعاندى پرەزيدەنت سايلاۋىنداعى جەڭىسىمەن قۇتتىقتادى. ودان بولەك، مەملەكەت باسشىسى تۇركيا رەسپۋبليكاسىنىڭ 100 جىلدىعى قارساڭىندا وتكەن پرەزيدەنت سايلاۋىنداعى رەجەپ تايىپ ەردوعاننىڭ ايقىن جەڭىسى ونىڭ تۇركيانى دامىتۋعا قوسقان زور ۇلەسى مەن قوعامداعى بيىك بەدەلىنىڭ ناتيجەسى ەكەنىن اتاپ ءوتتى.
سونداي-اق، توقاەۆ تۇركيا پرەزيدەنتىن بيىل كۇزدە تۇركى الەمىنىڭ رۋحاني استاناسى – تۇركىستاندا وتەتىن تۇركى مەملەكەتتەرى ۇيىمىنىڭ 10-مەرەيتويلىق سامميتىنە قاتىسۋعا شاقىردى.
رەجەپ تايىپ ەردوعان مەملەكەت باسشىسىنا العىس ايتىپ، باۋىرلاس قازاقستان حالقىنىڭ ءوسىپ-وركەندەي بەرۋىنە تىلەكتەستىك ءبىلدىردى.
