باسپانا ماسەلەسىن شەشۋ ءۇشىن..

308

باسپانا ماسەلەسىن شەشۋ ءۇشىن العاشقى جارنانى 5%-كە ءتۇسىرىپ، جىلدىق 5%-پەن، 25 جىلعا، ءبىرىنشى جانە ەكىنشى رىنوكتان دا الا بەرەتىن جاعداي جاساسا جەتىپ جاتىر. تابىسى ەڭ تومەنگى جالاقى 42500 تەڭگەدەن اسسا بولدى دەگەن شارتپەن بەرىلسە لوگيكاعا سيادى. سەبەبى، حالىقتىڭ تابىسىن 30 جىلدا وسى دەڭگەيدەن اسىرا الماعان ەكونوميكا قۇرعان بيلىكتىڭ ءوز كىناسى.

15 ملن ەكى بولمەلى ءۇيدىڭ العاشقى جارناسى 750 مىڭ تەڭگە. 10 ملن تەڭگەلىك ءبىر بولمەلى پاتەردىڭ العاشقى سالىمى 500 مىڭ تەڭگە بولادى. بۇل قازاقستاندىقتار كوتەرە الاتىن سۋمما.

تولەي الماسا پاتەردى الىپ قوياتىنىن بىلەتىن حالىق ۋاقىتىلى تولەيتىنىنە كۇمانىم جوق. تولەمەسە قالاداعى پاتەر باعاسى وسپەسە تۇسپەيدى. بانك ۇتىلمايدى. تەگىن بەرىپ جاتقان جوق نەگە سونشا ماسەلە تۋدىراتىنى ماعان تۇسىنىكسىز!

جەكە مەنشىك بانكتەرگە ميلليرادتاپ قارجى سالعان ۇلتتىق قوردىڭ قارجىسى باسپاناعا بولىنبەگەندە قايدا بولىنەدى؟ زەينەتاقى قورىنداعى اقشانى ازىربايجانعا سالىپ جوق قىلىپ، ەكسپو-عا سالىپ تا شاشىپ جاتىر. 30 جىلدا نەشە ءتۇرلى باعدارلامالارعا قارجى شاشىپ ناتيجەسىز كەتكەنىنە ەل كۋا. سوندا دا زاۆود اشىپ، ەكونوميكانى كوتەرىپ تاستاعانىمىز شامالى. بۇل جۇيەدەن ەكونوميكالىق سەكىرىس جاسايتىن رەفورماتوردى مەن كۇتپەيمىن ءوز باسىم. بىراق، "داي-داي" دەگەن قوعامعا قارجىنى باسپانا ءۇشىن حالىقتىڭ بۇگىنگى كۇنكورىس دەڭگەيىنە شاقتاپ ءبىر رەت  بەرسە بولادى دەپ ويلايمىن.

30 جىلدا ەكونوميكانى كەرەمەت قىلمادىڭىزدار. ەندى ەڭ بولماعاندا مۇناي مەن گازدى ساتىپ الەۋمەتتىك سالادا بىردەڭە ىستەپ كەتىڭىزدەر. ءتۇبى كەتەسىزدەر. ول ۋاقىت تا جىل وتكەن سايىن جاقىنداپ كەلەدى. كەلەشەكتە الدىڭعى بۋىن تۋرالى ەل اۋزىنان تاستاماي ايتىپ جۇرەر حالىقتىڭ ەسىندە قالار بىردەڭە قالسىن!

 

باۋىرجان سەرىكباەۆ

"ادىرنا" ۇلتتىق پورتالى

پىكىرلەر