31- ءشى جەلتوقسان كۇنى تالدىقورعاندا 3- بولىمشەدە تابيعي گاز جارىلىسىنان ەكى قاباتتى ءۇيدىڭ ورتەندى، دەپ حابارلايدى “ادىرنا” ۇلتتىق پورتالى.
تجد مالىمەتىنشە، ءورتتىڭ اۋماعى 120 شارشى مەتردى قامتىعان.
“2024 جىلعى 31 جەلتوقساندا ساعات 07:18–دە تالدىقورعاندا 3-ءشى بولىمشەدە، مەشىت ماڭىندا ورنالاسقان ەكى قاباتتى جەكە تۇرعىن ۇيدە ءورت بولدى. ءورت گاز-اۋا قوسپاسىنىڭ جارىلۋىنان شىعىپ، ءۇيدىڭ ەكىنشى قاباتى، قابىرعالارىنىڭ ءبىر بولىگى جانە شاتىرى قۇلادى. ءورت سوندىرۋشىلەر كەلگەنگە دەيىن ۇيدەن 7 ادام، ونىڭ ىشىندە 3 بالا ەۆاكۋاتسيالانعان. وقيعا ورنىنا جەدەل تۇردە ءورت ءسوندىرۋ بولىمشەلەرى، توتەنشە جاعدايلار مەديتسيناسى ورتالىعىنىڭ دارىگەرلەرى جانە قۇتقارۋشىلار جەتتى. ءورت تولىقتاي ساعات 07:46–دا ءسوندىرىلدى”، — دەدى جەتىسۋ وبلىستىق توتەنشە جاعدايلار دەپارتامەنتىنىڭ ءباسپاسوز قىزمەتى.
ورتتەن ءۇي يەسى قايتىس بولدى.
“تالدىقورعان قالاسىنداعى اۋرۋحانالارعا تابيعي گازدىڭ جارىلۋىنان زارداپ شەككەن 7 ادام ءتۇستى. تالدىقورعان قالاسىنداعى وبلىستىق اۋرۋحاناعا 2 ادام، تالدىقورعان قالالىق كوپسالالى اۋرۋحاناعا 3 ادام، وبلىستىق بالالار اۋرۋحاناسىنا 2 ادام ءتۇستى. بۇگىنگى كۇنى 4 ادامنىڭ جاعدايى تۇراقتالىپ، تراۆماتولوگيا بولىمىنە اۋىستىرىلدى. 2 پاتسيەنت جانساقتاۋ بولىمىندە ەم قابىلداپ جاتىر. جاعدايلارى وتە اۋىر. العان جاراقاتتارى سالدارىنان 1973 جىلى تۋعان ازامات قايتىس بولدى”، — دەدى جەتىسۋ وبلىستىق دەنساۋلىق ساقتاۋ باسقارماسى.
تالدىقورعان قالاسىنىڭ ءباسپاسوز قىزمەتى دە اپاتقا قاتىستى ارنايى كوميسسيا قۇرىلعاندىعىن حابارلادى.
قازىرگى ۋاقىتتا جارىلىستىڭ سەبەبىن انىقتاۋ ماقساتىندا تەكسەرۋ شارالارى جۇرگىزىلىپ جاتىر.
