اسكەري پوليتسيا قىزمەتكەرى قارت ايەلدى ورتتەن امان الىپ شىقتى، دەپ حابارلايدى "ادىرنا" ۇلتتىق پورتالى El.kz-كە سىلتەپ.
17 قاراشادا تالدىقورعان قالاسىنىڭ وتەناي شاعىن اۋدانىنداعى ىبىرايمولداەۆ كوشەسىندەگى تۇرعىن ۇيدەن ءورت شىققان.
سول كۇنى دەمالىستا بولعان جەتىسۋ گارنيزونى اسكەري پوليتسيا ءبولىمىنىڭ اسكەري قىزمەتشىسى كىشى سەرجانت ەرلىك قاناشەۆ جانۇشىر ايقايلاعان داۋىستى ەستىپ، كومەككە اسىققان. ورتكە ورانعان تۇرعىن ۇيگە كىرىپ، وزدىگىنەن قوزعالا المايتىن ەگدە جاستاعى ايەلدى سىرتقا الىپ شىققان.
باتىرلىق تانىتقان قىزمەتكەر اس ۇيدەگى جەردەن 25 ليترلىك گاز باللونىن سىرتقا الىپ شىعىپ، جارىلىستىڭ الدىن العان.
كومەككە ءورت سوندىرۋشىلەر كەلىپ، قىزىل جالىندى قۇرىقتاعان.
