31- şı jeltoqsan künı Taldyqorǧanda 3- bölımşede tabiǧi gaz jarylysynan ekı qabatty üidıŋ örtendı, dep habarlaidy “Adyrna” ūlttyq portaly.
TJD mälımetınşe, örttıŋ aumaǧy 120 şarşy metrdı qamtyǧan.
“2024 jylǧy 31 jeltoqsanda saǧat 07:18–de Taldyqorǧanda 3-şı bölımşede, meşıt maŋynda ornalasqan ekı qabatty jeke tūrǧyn üide ört boldy. Ört gaz-aua qospasynyŋ jaryluynan şyǧyp, üidıŋ ekınşı qabaty, qabyrǧalarynyŋ bır bölıgı jäne şatyry qūlady. Ört söndıruşıler kelgenge deiın üiden 7 adam, onyŋ ışınde 3 bala evakuasiialanǧan. Oqiǧa ornyna jedel türde ört söndıru bölımşelerı, Tötenşe jaǧdailar medisinasy ortalyǧynyŋ därıgerlerı jäne qūtqaruşylar jettı. Ört tolyqtai saǧat 07:46–da söndırıldı”, — dedı Jetısu oblystyq tötenşe jaǧdailar departamentınıŋ baspasöz qyzmetı.
Örtten üi iesı qaitys boldy.
“Taldyqorǧan qalasyndaǧy auruhanalarǧa tabiǧi gazdyŋ jaryluynan zardap şekken 7 adam tüstı. Taldyqorǧan qalasyndaǧy oblystyq auruhanaǧa 2 adam, Taldyqorǧan qalalyq köpsalaly auruhanaǧa 3 adam, oblystyq balalar auruhanasyna 2 adam tüstı. Bügıngı künı 4 adamnyŋ jaǧdaiy tūraqtalyp, travmatologiia bölımıne auystyryldy. 2 pasient jansaqtau bölımınde em qabyldap jatyr. Jaǧdailary öte auyr. Alǧan jaraqattary saldarynan 1973 jyly tuǧan azamat qaitys boldy”, — dedı Jetısu oblystyq densaulyq saqtau basqarmasy.
Taldyqorǧan qalasynyŋ baspasöz qyzmetı de apatqa qatysty arnaiy komissiia qūrylǧandyǧyn habarlady.
Qazırgı uaqytta jarylystyŋ sebebın anyqtau maqsatynda tekseru şaralary jürgızılıp jatyr.
Ūqsas jaŋalyqtar
“14 päter, 1 milliard teŋge, Land Cruiser”. Taldyqorǧan qalalyq bılım bölımınıŋ bas esepşısı ūstaldy
