فوتو: ۆيدەودان الىندى
تالدىقورعاندا ايەلىن قارۋمەن قۋعان ەر ادام ۇستالدى. بۇل تۋرالى جەتىسۋ وبلىسى پوليتسيا دەپارتامەنتى جاريالادى، دەپ حابارلايدى "ادىرنا".
اقپاراتقا سايكەس، 2 قازان كۇنى تالدىقورعان قالاسىنىڭ تۇرعىنى پوليتسياعا جۇگىنىپ، جۇبايىنىڭ وزىنە دەنە جاراقاتىن كەلتىرىپ، قورقىتقانىن جەتكىزگەن.
پوليتسيا قىزمەتكەرلەرى وقيعا ورنىنا دەرەۋ جەتىپ، ەر ادامدى ۇستادى. ودان پنەۆماتيكالىق قارۋ تاركىلەندى.
"دەنە جاراقاتىن كەلتىرۋ جانە قورقىتۋ دەرەكتەرى بويىنشا قىلمىستىق ىستەر قوزعالدى. كۇدىكتى ۋاقىتشا ۇستاۋ يزولياتورىنا قامالدى.
دارىگەرلەردىڭ تەكسەرۋىنەن كەيىن ايەل بالاسىمەن بىرگە داعدارىس ورتالىعىنا ورنالاستىرىلىپ، ولارعا قاجەتتى كومەك كورسەتىلدى", دەلىنگەن حابارلامادا.
بۇعان دەيىن اتالعان ايەلدەن پوليتسياعا ارىز-شاعىم تۇسپەگەن.
ۇقساس جاڭالىقتار
