مەملەكەتتىك قىزمەتكەر بولۋ – ۇلكەن جاۋاپكەرشىلىك

7374
Adyrna.kz Telegram

تالدىقورعان قالاسىنداعى نازارباەۆ زياتكەرلىك مەكتەبىنىڭ وقۋشىلارى «دانالىق بەيسەنبى» كاسىپتىك باعدار بەرۋ جوباسى اياسىندا قازاقستان رەسپۋبليكاسى مەملەكەتتىك قىزمەت ىستەرى اگەنتتىگىنىڭ جەتىسۋ وبلىسى بويىنشا دەپارتامەنت قىزمەتكەرلەرىمەن كەزدەستى.

شارا سپيكەرلەرى مەملەكەتتىك قىزمەت دەپارتامەنتىنىڭ ءبولىم باسشىسى سامعات تاراقوۆ پەن باقىلاۋ ءبولىمىنىڭ باس مامانى ازيز ناسيمباەۆ بولدى.

جاستاردى مەملەكەتتىك قىزمەتكە تارتۋ ماقساتىنداعى بۇل كەزدەسۋدە مەملەكەتتىك قىزمەتكە ءتۇسۋ جولدارى، جاس مەملەكەتتىك قىزمەتشى مەكتەبى، سونداي-اق مەملەكەتتىك قىزمەت سالاسىنداعى جوسپارلانعان جاڭالىقتار تۋرالى اقپارات بەرىلدى.

سونىمەن قاتار، تىڭداشىلارعا مەملەكەتتىك گرانتپەن وقۋ ورىندارىن اياقتاعان ۇلگەرىمى جوعارى تۇلەكتەر اۋدان جانە اۋىلدىق دەڭگەيدەگى تومەنگى لاۋازىمدارعا كونكۋرستىق ىرىكتەۋسىز، تىكەلەي تاعايىندالۋ مۇمكىندىكتەرى جونىندە ءتۇسىندىرىلدى.

دەپارتامەنت وكىلدەرى مەملەكەتتىك قىزمەتشى بولۋ ۇلكەن جاۋاپكەرشىلىك جانە وسى رەتتە مەملەكەتتىك قىزمەتكە ءوز ءىسىن سۇيەتىن، حالىق مۇددەسىن جەكە باسىنىڭ مۇددەسىنەن جوعارى قوياتىن ازاماتتار بارۋى كەرەك ەكەندىگىن تىلگە تيەك ەتتى.

 

پىكىرلەر