ىستامبۇل پروكۋراتۋراسى كروكۋس تەراكتىسىنە قاتىستى ايىپتالۋشىلارعا قاتاڭ جازا سۇرادى، دەپ حابارلايدى “ادىرنا” ۇلتتىق پورتالى.
ىستامبۇل پروكۋراتۋراسى ماسكەۋدەگى «Crocus City Hall» كونتسەرت زالىندا بولعان لاڭكەستىك ارەكەتكە قاتىسى بار بەس شەتەلدىككە 7,5 جىلدان 15 جىلعا دەيىن باس بوستاندىعىنان ايىرۋ جازاسىن سۇرادى، - دەپ حابارلايدى انادولى اگەنتتىگى.
تۇركيادا ۇستالعان كۇدىكتىلەر تەراكتى جاساۋشىلارعا نۇسقاۋ بەرىپ، 800 مىڭ رۋبل جانە جاڭا تولقۇجاتپەن قامتاماسىز ەتەمىز دەپ ۋادە ەتكەن.
ەسكە سالساق، 2024 جىلدىڭ 22 ناۋرىزىندا ماسكەۋدىڭ سولتۇستىك-باتىسىنداعى «Crocus City Hall» كونتسەرت زالىندا كامۋفلياج كيگەن ادامدار وق جاۋدىرعان ەدى. قايعىلى وقيعا سالدارىنان 100-دەن استام ادام قازا تاۋىپ، 150-دەن استامى جاراقات الدى.
قازاقستان پرەزيدەنتى قاسىم-جومارت توقاەۆ لاڭكەستىك ارەكەتتەن قازا تاپقاندارعا بايلانىستى رەسەي پرەزيدەنتى ۆلاديمير پۋتينگە كوڭىل ايتتى. سونىمەن قاتار، مەملەكەت باسشىسى قاۋىپسىزدىك كەڭەسىنىڭ مۇشەلەرىمەن شۇعىل جيىن وتكىزىپ، وقيعاعا بايلانىستى قابىلداناتىن شارالاردى تالقىلادى.
تۇركيا قۇقىق قورعاۋ ورگاندارى قاماۋعا الىنعان شەتەلدىكتەردىڭ تەراكتىگە قاتىسى بار-جوعىن انىقتاۋ ءۇشىن تەرگەۋ جۇرگىزۋدە. ال ماسكەۋ بيلىگى قىلمىسقا قاتىسى بار باسقا تۇلعالاردى انىقتاۋ جۇمىستارىن جالعاستىرىپ جاتىر.
