Ystambūl prokuraturasy Krokus teraktısıne qatysty aiyptaluşylarǧa qataŋ jaza sūrady, dep habarlaidy “Adyrna” ūlttyq portaly.
Ystambūl prokuraturasy Mäskeudegı «Crocus City Hall» konsert zalynda bolǧan laŋkestık äreketke qatysy bar bes şeteldıkke 7,5 jyldan 15 jylǧa deiın bas bostandyǧynan aiyru jazasyn sūrady, - dep habarlaidy Anadoly agenttıgı.
Türkiiada ūstalǧan küdıktıler teraktı jasauşylarǧa nūsqau berıp, 800 myŋ rubl jäne jaŋa tölqūjatpen qamtamasyz etemız dep uäde etken. Eske salsaq, 2024 jyldyŋ 22 nauryzynda Mäskeudıŋ soltüstık-batysyndaǧy «Crocus City Hall» konsert zalynda kamufliaj kigen adamdar oq jaudyrǧan edı. Qaiǧyly oqiǧa saldarynan 100-den astam adam qaza tauyp, 150-den astamy jaraqat aldy. Qazaqstan prezidentı Qasym-Jomart Toqaev laŋkestık äreketten qaza tapqandarǧa bailanysty Resei prezidentı Vladimir Putinge köŋıl aitty. Sonymen qatar, memleket basşysy Qauıpsızdık keŋesınıŋ müşelerımen şūǧyl jiyn ötkızıp, oqiǧaǧa bailanysty qabyldanatyn şaralardy talqylady. Türkiia qūqyq qorǧau organdary qamauǧa alynǧan şeteldıkterdıŋ teraktıge qatysy bar-joǧyn anyqtau üşın tergeu jürgızude. Al Mäskeu bilıgı qylmysqa qatysy bar basqa tūlǧalardy anyqtau jūmystaryn jalǧastyryp jatyr.Ūqsas jaŋalyqtar
