Ystambul prokýratýrasy Krokýs teraktisine qatysty aıyptalýshylarǵa qatań jaza surady, dep habarlaıdy “Adyrna” ulttyq portaly.
Ystambul prokýratýrasy Máskeýdegi «Crocus City Hall» konert zalynda bolǵan lańkestik áreketke qatysy bar bes sheteldikke 7,5 jyldan 15 jylǵa deıin bas bostandyǵynan aıyrý jazasyn surady, - dep habarlaıdy Anadoly agenttigi.
Túrkııada ustalǵan kúdiktiler terakti jasaýshylarǵa nusqaý berip, 800 myń rýbl jáne jańa tólqujatpen qamtamasyz etemiz dep ýáde etken.
Eske salsaq, 2024 jyldyń 22 naýryzynda Máskeýdiń soltústik-batysyndaǵy «Crocus City Hall» konert zalynda kamýflıaj kıgen adamdar oq jaýdyrǵan edi. Qaıǵyly oqıǵa saldarynan 100-den astam adam qaza taýyp, 150-den astamy jaraqat aldy.
Qazaqstan prezıdenti Qasym-Jomart Toqaev lańkestik áreketten qaza tapqandarǵa baılanysty Reseı prezıdenti Vladımır Pýtınge kóńil aıtty. Sonymen qatar, memleket basshysy Qaýipsizdik keńesiniń múshelerimen shuǵyl jıyn ótkizip, oqıǵaǵa baılanysty qabyldanatyn sharalardy talqylady.
Túrkııa quqyq qorǵaý organdary qamaýǵa alynǵan sheteldikterdiń teraktige qatysy bar-joǵyn anyqtaý úshin tergeý júrgizýde. Al Máskeý bıligi qylmysqa qatysy bar basqa tulǵalardy anyqtaý jumystaryn jalǵastyryp jatyr.
