سيريا استاناسى داماسكىدە ورنالاسقان اۋليە يليا شىركەۋىندە تەراكت بولدى. لاڭكەستىك ارەكەت سالدارىنان كەم دەگەندە 22 ادام قازا تاپتى، دەپ حابارلايدى «ادىرنا» ءتىلشىسى Reuters اگەنتتىگىنە سىلتەمە جاساپ.
سيريا دەنساۋلىق ساقتاۋ مينيسترلىگىنىڭ مالىمەتىنشە، تەراكت كەزىندە 59 ادام جارالانعان.
قاندى وقيعا 22 ماۋسىم كۇنى ءدىني ءراسىم كەزىندە بولعان. كۋاگەرلەردىڭ ايتۋىنشا، ەر ادام شىركەۋگە كىرە سالا وق اتقان. كەيىن جارىلعىش زات سالىنعان بەلدىگىن ىسكە قوسقان.
ەلدىڭ ىشكى ىستەر مينيسترلىگىنىڭ حابارلاۋىنشا، ءوز-ءوزىن جارۋشى ادام «يسلام مەملەكەتى» تەررورلىق توبىنىڭ مۇشەسى بولعان.
قازىرگى ۋاقىتتا تەراكتىگە قاتىستى تەرگەۋ امالدارى جۇرگىزىلىپ جاتىر.
ۇقساس جاڭالىقتار
