رەسەي بيلىگى وسى ەلدە شەتەلدىكتەردىڭ ۆيزاسىز رەجيمدە ۋاقىتشا ءجۇرۋ مەرزىمىن قىسقارتىپ جاتىر. بۇل تۋرالى رەسەيدەگى قازاقستان ەلشىلىگى مالىمدەدى، دەپ حابارلايدى “ادىرنا” ۇلتتىق پورتالى.
«2025 جىلعى 1 قاڭتاردان باستاپ 2024 جىلعى 8 تامىزداعى № 260-ف فەدەرالدىق زاڭىنا سايكەس رەسەي فەدەراتسياسىنا كەلەتىن شەتەلدىك ازاماتتاردىڭ ۋاقىتشا بولۋ مەرزىمىنە قاتىستى وزگەرىستەر كۇشىنە ەنەدى. شەتەلدىكتەردىڭ رەسەي اۋماعىندا بولۋ مەرزىمى كۇنتىزبەلىك جىل ىشىندە جالپى العاندا 90 كۇنگە دەيىن قىسقارتىلدى»، دەپ حابارلادى سەيسەنبىدە قازاقستاندىق ديپلوماتتار.
ەلشىلىك تۇسىندىرگەندەي، وقۋعا، جۇمىس ىستەۋگە، ۋاقىتشا تۇرۋعا نەمەسە باسپانا الۋعا كەلگەن ازاماتتار رەسەي فەدەراتسياسىنىڭ اۋماعىندا جىلىنا 90 كۇننەن استام بولا الادى.
ەسكە سالساق، بۇعان دەيىن ازەربايجان رەسەي ازاماتتارىنىڭ ەل اۋماعىندا ۋاقىتشا بولۋ مەرزىمىنە قاتىستى وزگەرىستەر ەنگىزگەن بولاتىن. بۇدان بۇلاي رەسەيلىكتەر ءبىر جىل ىشىندە ەلدە 90 كۇننەن ارتىق بولا المايدى.
قاۋلى 2025 جىلدىڭ 1 قاڭتارىنان باستاپ كۇشىنە ەنەدى.
