رەسەي سيريانىڭ سولتۇستىك-شىعىسىنداعى قامىشلى قالاسىنا جاقىن ورنالاسقان اسكەري اەرودرومنان ءوز اسكەرىن شىعارا باستاعان، دەپ حابارلايدى “ادىرنا” ۇلتتىق پورتالى Reuters-كە سىلتەپ.
بۇل اقپارات ايماقتاعى ۇكىمەتتىك كۇشتەردىڭ كۇرد جاساقتارىن ىعىستىرۋىنان كەيىن بەلگىلى بولدى.
اقپاراتتى يراننىڭ باق راستادى.
الايدا رەسەيدىڭ قورعانىس مينيسترلىگى بۇل اقپاراتقا ازىرگە رەسمي تۇسىنىكتەمە بەرگەن جوق.
Reuters دەرەككوزىنە سايكەس، رەسەي وتكەن اپتادا قامىشلىداعى بازادان اسكەر مەن اسكەري تەحنيكانى اكەتۋدى باستاعان. دەرەككوزدەردىڭ ايتۋىنشا، رەسەيلىك كونتينگەنتتىڭ ءبىر بولىگى لاتاكيا پروۆينتسياسىنداعى «حمەيميم» اۋەبازاسىنا جونەلتىلەدى. ال كەيبىر اسكەري قىزمەتكەرلەر رەسەيگە قايتارىلادى.
رەسەيلىك «ۆەدوموستي» جانە «كوممەرسانت» باسىلىمدارى رف اسكەرىنىڭ قامىشلى اەرودرومىندا 2019 جىلدان بەرى ورنالاسقانىن ەسكە سالادى. بۇل نىسان كۇرد جانە پروتۇركيالىق كۇشتەر اراسىنداعى قاقتىعىستى رەتتەۋ ماقساتىنداعى بىتىمگەرشىلىك وپەراتسيانى قولداۋ ءۇشىن پايدالانىلعان.
بۇعان دەيىن «كوممەرسانت» گازەتى جاڭا سيريا بيلىگى رەسەيدەن قامىشلىداعى اسكەري بازانى بوساتۋدى سۇراۋى مۇمكىن ەكەنىن جانە بۇل ماسەلە بويىنشا ماسكەۋمەن كەلىسسوز جۇرگىزۋدى جوسپارلاپ وتىرعانىن جازعان.
رەسەي حالىقارالىق ىستەر كەڭەسىنىڭ ساراپشىسى انتون مارداسوۆتىڭ ايتۋىنشا، اش-شاراا بيلىككە كەلگەننەن كەيىن قامىشلىداعى نىسان رەسەي اسكەري كۇشتەرى مەن تەحنيكاسىن سيريادان رەسەي مەن ليۆياعا شىعارۋ ءۇشىن پايدالانىلعان.
