كرەمل "رەسەيدى تەرروريزمنىڭ دەمەۋشىسى" دەپ تانىعان ەۋروپارلامەنتتىڭ شەشىمىن جۇرەككە جاقىن قابىلدامايتىنىن مالىمدەدى. بۇل تۋرالى ءپۋتيننىڭ ءباسپاسوز حاتشىسى پەسكوۆ «روسسيا-1» تەلەارناسىنىڭ «موسكۆا. كرەمل. پۋتين» باعدارلاماسىنا بەرگەن سۇحباتىندا ايتتى، دەپ جازادى "ادىرنا" ۇلتتىق پورتالى.
"ارينە، سوڭعى جىلدارى ەۋروپارلامەنتتىڭ بىزگە دەگەن ەرەكشە سۇيىسپەنشىلىگى بولماعانى ءبىز ءۇشىن قۇپيا ەمەس. بۇعان جاۋاپ رەتىندە بىزدە ول جەردە بولىپ جاتقان وقيعالاردى ەسەپكە الۋعا اسا قۇلشىنىس تانىتپادىق. رەسەيگە دەگەن جەككورۋشىلىك پەن اشىقتان-اشىق رۋسوفوبيا تىم اسقىنعان جاعدايدا جۇرەككە جاقىن قابىلدامادىق دەسەك بولادى. بىراق ونىڭ زاڭدى كۇشى جوق. وعان وسىلاي قاراۋ كەرەك»، - دەدى پەسكوۆ.
ونىڭ ايتۋىنشا، ەۋروپارلامەنت ءوز جۇمىسىن «ەموتسيونالدى كوزقاراسقا» نەگىزدەيدى.
"ال ەموتسيالار - بۇل قۇبىلمالى ماسەلە. بۇگىن رۋسوفوبيالىق، ەرتەڭ تاعى باسقالارى بولادى. سودان كەيىن مۇمكىن كوزدەرى اشىلار", - دەدى ءپۋتيننىڭ ءباسپاسوز حاتشىسى.
"ادىرنا" ۇلتتىق پورتالى
