پرەزيدەنت قاسىم-جومارت توقاەۆ ءبىلىم بەرۋ جانە بالالاردىڭ قۇقىقتارىن قورعاۋ ماسەلەلەرى بويىنشا تۇزەتۋلەرگە قول قويدى. بۇل تۋرالى بۇگىن، 30 جەلتوقساندا اقوردانىڭ ءباسپاسوز قىزمەتى جازدى، دەپ حابارلايدى «ادىرنا» ءتىلشىسى.
«مەملەكەت باسشىسى «قازاقستان رەسپۋبليكاسىنىڭ كەيبىر زاڭنامالىق اكتىلەرىنە مەملەكەتتىك ناگرادالار، ءبىلىم بەرۋ جانە بالالاردىڭ قۇقىقتارىن قورعاۋ ماسەلەلەرى بويىنشا وزگەرىستەر مەن تولىقتىرۋلار ەنگىزۋ تۋرالى» قازاقستان رەسپۋبليكاسىنىڭ زاڭىنا قول قويدى»، — دەلىنگەن حابارلامادا.
زاڭنىڭ ماقساتى — مەكتەپكە دەيىنگى، ورتا، تەحنيكالىق جانە كاسىپتىك، ورتا بىلىمنەن كەيىنگى ءبىلىم بەرۋ، قوسىمشا ءبىلىم بەرۋ جانە بالالاردىڭ قۇقىقتارىن قورعاۋ سالاسىنداعى قازاقستاننىڭ زاڭناماسىن جەتىلدىرۋ، سونداي-اق قۇقىقتىق ولقىلىقتار مەن قايشىلىقتاردى جويۋ.
قۇجاتتاعى جاڭا نورمالاردىڭ ءبىرى – بالالاردى وتباسىنا ورنالاستىرۋدىڭ جاڭا فورماسىنىڭ ەنگىزىلۋى. ءبىلىم ۆيتسە-ءمينيسترى ەدىل وسپاننىڭ تۇسىندىرۋىنشە، ەگەر بالا اتا-اناسىز قالسا، ول بىردەن ينتەرناتتان بۇرىن، قامقورشى وتباسىنا جىبەرىلەدى. ءار بالاعا ساپالى قامقورلىق كورسەتۋ ءۇشىن ءبىر وتباسىندا ءتورت بالادان اسپاۋى ءتيىس.
