جاپونيادا 2024 جىلى جالعىز تۇراتىن قارت ادامداردىڭ 58 044-ءى ءوز ۇيلەرىندە قايتىس بولعان، دەپ حابارلايدى "ادىرنا" ۇلتتىق پورتالى.
ۇلتتىق پوليتسيا اگەنتتىگىنىڭ مالىمەتىنشە بۇل ءبىر جىل ىشىندە تىركەلگەن وسىنداي العاشقى رەسمي ستاتيستيكا.
اگەنتتىك بۇل مالىمەتتەردى ۇكىمەتتىڭ جالعىزدىق پەن وقشاۋلانۋعا قاتىستى جاعدايدى انىقتاۋعا باعىتتالعان زەرتتەۋىنىڭ اياسىندا جاريالادى. ۇكىمەت بۇل دەرەكتەردى اتالعان ماسەلەلەردى شەشۋگە ارنالعان شارالاردى قاراستىرۋ ءۇشىن پايدالانباق.
اگەنتتىكتىڭ 11 ساۋىردە جاساعان مالىمدەمەسىنە سايكەس، 2024 جىلى پوليتسيا ەل بويىنشا 204 184 ءمايىتتى انىقتاعان. ولاردىڭ 76 020-سى ءوز ۇيلەرىندە جالعىز جاتقان كۇيدە تابىلعان.
جالعىز قايتىس بولعانداردىڭ شامامەن 76%-ىن 65 جاستان اسقان ادامدار قۇرايدى. جاس توپتارى بويىنشا ەڭ كوبى – 85 جاستان اسقاندار (14 658 ادام), ودان كەيىن 75-79 جاس ارالىعىنداعىلار (12 567 ادام) جانە 70-74 جاس ارالىعىنداعى ازاماتتار (11 600 ادام).
سونداي-اق، ۇيىندە جالعىز قايتىس بولعانداردىڭ قاتارىندا جاستار دا بولعان: 20 جاستا – 780 ادام، 30 جاستا – 1013 ادام، ال 15-19 جاس ارالىعىندا – 62 ادام.
