توقاەۆ سىنىنان كەيىن. «بولاشاق» باعدارلاماسىنا جاس شەكتەۋى ەنگىزىلمەك

992
Adyrna.kz Telegram

قازاقستان رەسپۋبليكاسىنىڭ عىلىم جانە جوعارى ءبىلىم ءمينيسترى ساياسات نۇربەك «بولاشاق» باعدارلاماسىنىڭ ستيپەندياتتارىنا جاس شەكتەۋىنىڭ ەنگىزىلۋ سەبەبىن ءتۇسىندىردى، دەپ حابارلايدى "ادىرنا" ۇلتتىق پورتالى. 

ءمينيستردىڭ ايتۋىنشا، قازىرگى تاڭدا ۆارشاۆادا عىلىمي تاعىلىمدامادان ءوتىپ جاتقان «بولاشاق» باعدارلاماسىنىڭ ەكى ستيپەندياتى بار. ولاردىڭ ءبىرى — شامامەن 70 جاستا، ەكىنشىسى — 68 جاستا. سونداي-اق، تاعى ءبىر تۇلەك رەسەيدە، سانكت-پەتەربۋرگ مەملەكەتتىك ونەر ۋنيۆەرسيتەتىندە 67–68 جاسىندا تاعىلىمدامادان وتكەن.

«بۇعان دەيىن باعدارلامادا جاس شەكتەۋى بولعان – 45 جاسقا دەيىن. 2012 جىلى بۇل شەكتەۋ الىنىپ تاستالدى، سەبەبى كاسىبي تاعىلىمدامالارعا 40 جاستان اسقان تاجىريبەلى مامانداردىڭ قاتىسۋىنا مۇمكىندىك بەرۋ قاجەت بولدى. قازىر قايتادان جاس شەكتەۋى ەنگىزىلىپ وتىر: تاعىلىمدامادان ءوتۋ ءۇشىن زەينەت جاسىنا دەيىن كەم دەگەندە ءۇش جىل قالۋى كەرەك. ياعني، ەر ادامدار ءۇشىن شەكتى جاس – 61 جاس، ايەلدەر ءۇشىن – 57 جاس. بۇل وزگەرىستەر بيىل كۇشىنە ەنەدى»، – دەدى مينيستر ماجىلىستە.

وسىلايشا، «بولاشاق» باعدارلاماسىمەن ستيپەنديا الۋ ءۇشىن ۇمىتكەردىڭ زەينەتكە شىعۋىنا دەيىن مىندەتتى ءۇش جىل ەڭبەك ءوتىلىن وتەۋگە جەتكىلىكتى ۋاقىتى بولۋى قاجەت. مىسالى، ەگەر ەر ادام 61 جاسىندا زەينەتكە شىقسا، ال ءۇش جىلدىق جۇمىس ىستەۋ تالابى بولسا، ءوتىنىش بەرگەن ساتتە جاسى 58-دەن اسپاۋى ءتيىس.

«بولاشاق» حالىقارالىق ستيپەندياسى تاريحىندا العاش رەت جاس شەكتەۋى ەنگىزىلدى. ەندى ەر ادامدار ءۇشىن شەكتى جاس – 59, ال ايەلدەر ءۇشىن – 57 جاس. بۇل تالاپ بۇيرىقپەن بەكىتىلىپ، كۇشىنە ەندى.

ەسكە سالايىق، 14 ناۋرىزدا وتكەن ۇلتتىق قۇرىلتاي وتىرىسىندا قازاقستان پرەزيدەنتى قاسىم-جومارت توقاەۆ شەتەلدەگى عالىمداردىڭ تاعىلىمداماسى تۋرالى پىكىر بىلدىرگەن بولاتىن.

«ءبىز شەتەلدە عالىمداردى تاعىلىمدامادان وتكىزۋ تاجىريبەسىن ەنگىزدىك، بىراق شەتەلگە عىلىمعا قاتىسى جوق ادامدار بارىپ جاتىر. ءبىر ادامدى بىلەمىن: ول 78 جاسىندا “بولاشاقپەن” وقۋعا كەتكەن. 78 جاستا قانداي “بولاشاق”؟ بۇل ءبارى تۇسىنىكسىز ءبىر ارەكەتكە اينالىپ بارادى»، – دەگەن ەدى پرەزيدەنت.

ەسكە سالايىق، «بولاشاق» – قازاقستان پرەزيدەنتىنىڭ حالىقارالىق ءبىلىم بەرۋ ستيپەندياسى. ول 1993 جىلعى 5 قاراشادا ەلىمىزدىڭ ەكونوميكاسىنىڭ باسىم سالالارىنا قاجەتتى كادرلاردى دايارلاۋ، قايتا دايارلاۋ جانە بىلىكتىلىگىن ارتتىرۋ ماقساتىندا قۇرىلعان.

Реклама
  • ИП Попов А.П.
  • ИНН: 602715631406
Танец на выпускном взорвал сеть: смотреть без детей
Реклама
  • ИП Попов А.П.
  • ИНН: 602715631406
1 чайная ложка на ночь и все - потенция сильнее, чем в 20 лет
Реклама
  • ИП Попов А.П.
  • ИНН: 602715631406
Галкин и Пугачева станцевали зажигательный танец на Кипре
پىكىرلەر