2025 جىلدىڭ قاڭتار-اقپان ايلارىندا قازاقستان $72,5 ملن سوماسىناداعى وڭدەلگەن تابيعي ۋراندى ەكسپورتتادى. بۇل – وتكەن جىلدىڭ وسى كەزەڭىمەن سالىستىرعاندا 78 پايىزعا از، دەپ حابارلايدى "ادىرنا" ۇلتتىق پورتالى ءبىرىنشى كرەديتتىك بيۋرونىڭ ءباسپاسوز قىزمەتىنە سىلتەمە جاساپ.
«2025 جىلدىڭ قاڭتار-اقپان ايلارىنداعى جەتكىزىلىم ستاتيستيكاسىندا شەتەلگە وڭدەلگەن تابيعي ۋراندى ەكسپورتتاۋ سوماسى $72,5 ملن دەپ كورسەتىلگەن. بۇل 2024 جىلدىڭ وسى ايلارىمەن سالىستىرعاندا 78%-عا تومەن. بۇل تاريحي مينيمۋم ەمەس، دەگەنمەن سوڭعى ءۇش جىلدا وسى كەزەڭدە جۇزدەگەن ميلليون دوللار ءتۇسىپ وتىرعان. جالپى، مۇنداي كۇرت قۇلدىراۋ 2024 جىلعى وتە جوعارى بازامەن تۇسىندىرىلەدى. ول كورسەتكىش كەمىندە سوڭعى ونجىلدىقتاعى ەڭ جوعارى دەڭگەيدە بولدى»، – دەلىنگەن حابارلامادا.
ستاتيستيكالىق مالىمەتتەرگە سايكەس، 2024 جىلدىڭ باسىندا ۋراننىڭ نەگىزگى ەكسپورتتىق باعىتتارى فرانتسيا مەن رەسەي بولعان. الايدا بيىل رەسەيگە جەتكىزىلىم تولىقتاي توقتاعان (2024 جىلى كولەمى $195,6 ملن بولعان), ال فرانتسيا ۋران ساتىپ الۋىن 60%-دان استام قىسقارتقان.
