Prezıdent Qasym-Jomart Toqaev bilim berý jáne balalardyń quqyqtaryn qorǵaý máseleleri boıynsha túzetýlerge qol qoıdy. Bul týraly búgin, 30 jeltoqsanda Aqordanyń baspasóz qyzmeti jazdy, dep habarlaıdy «Adyrna» tilshisi.
«Memleket basshysy «Qazaqstan Respýblıkasynyń keıbir zańnamalyq aktilerine memlekettik nagradalar, bilim berý jáne balalardyń quqyqtaryn qorǵaý máseleleri boıynsha ózgerister men tolyqtyrýlar engizý týraly» Qazaqstan Respýblıkasynyń zańyna qol qoıdy», — delingen habarlamada.
Zańnyń maqsaty — mektepke deıingi, orta, tehnıkalyq jáne kásiptik, orta bilimnen keıingi bilim berý, qosymsha bilim berý jáne balalardyń quqyqtaryn qorǵaý salasyndaǵy Qazaqstannyń zańnamasyn jetildirý, sondaı-aq quqyqtyq olqylyqtar men qaıshylyqtardy joıý.
Qujattaǵy jańa normalardyń biri – balalardy otbasyna ornalastyrýdyń jańa formasynyń engizilýi. Bilim vıe-mınıstri Edil Ospannyń túsindirýinshe, eger bala ata-anasyz qalsa, ol birden ınternattan buryn, qamqorshy otbasyna jiberiledi. Ár balaǵa sapaly qamqorlyq kórsetý úshin bir otbasynda tórt baladan aspaýy tıis.
