Qazaq Air استانا-ەكاتەرينبۋرگ باعىتى بويىنشا اۋە رەيستەرىن ۋاقىتشا توقتاتتى. دەپ حابارلايدى “ادىرنا” ۇلتتىق پورتالى.
اقپاراتقا سايكەس، 2024 جىلدىڭ 28 جەلتوقسانى مەن 2025 جىلعى 27 قاڭتار ارالىعىندا استانا-ەكاتەرينبۋرگ باعىتى بويىنشا اۋە رەيستەرى ۇشپايدى. بۇل شەشىم رەسەيگە ۇشۋ تاۋەكەلدەرى باعالانعاننان كەيىن قابىلداندى. ياعني جولاۋشىلار مەن ەكيپاج مۇشەلەرىنىڭ قاۋىپسىزدىگىن قامتاماسىز ەتۋ ماقساتىندا رەيستەر توقتاتىلدى.
بىراق Qazaq Air ومبى مەن نوۆوسىبىرگە رەيستەردى ورىنداۋدى جالعاستىرادى.
«توقتاتىلعان رەيستەردىڭ جولاۋشىلارىنا اۋەبيلەتتەرىنىڭ تولىق قۇنىن قايتارۋ قامتاماسىز ەتىلەدى جانە اۋەكومپانيانىڭ بالامالى رەيستەرىنە تەگىن قايتا برونداۋ ۇسىنىلادى»، دەلىنگەن اۋەكومپانيانىڭ حابارلاماسىندا.
