اقتاۋداعى ۇشاق اپاتىنان قازا تاپقان قازاقستاندىقتاردىڭ ىشىندە استانالىق گاۋھار شايمەردەنوۆا مەن ونىڭ ۇلى بولعانى تۋرالى اقپارات تارادى. اناسى مەن ۇلى اپاتتان كوز جۇمعان، دەپ حابارلايدى "ادىرنا" ۇلتتىق پورتالى.
تەلەجۇرگىزۋشى ساندي سۇلتان گاۋھار شايمەردەنوۆانىڭ ۇشاقتا بولعانىن حابارلادى. جۋرناليست ولاردىڭ دوس ەكەنىن جانە ول 10 جاسار ۇلى ەلدارمەن بىرگە باكۋدەن ۇشقانىن ايتتى.
“سەنگىم كەلمەيدى، ءتىرى قالدى دەپ ويلايمىن. اللا ساقتاسىن! گاۋھار ەكەۋىمىزدىڭ وتە كوپ جوسپارىمىز بار ەدى. كىشكەنتاي ەلدار اناسىنىڭ جانىندا بولعان”، – دەپ جازدى ساندي سۇلتان.
مينيسترلىكتىڭ ءباسپاسوز قىزمەتىندەگىلەر اپاتتان قازا تاپقاندار اراسىندا 11 جاستاعى ەلدار جۇماعات پەن ونىڭ اناسى بار ەكەنىن راستادى.
"وقۋ-اعارتۋ مينيسترلىگى قازا بولعان ازاماتتاردىڭ وتباسىنا قايعىرا كوڭىل ايتادى", - دەپ حابارلادى ءبىلىم مەكەمەسى.
مۇعالىمدەر ەلداردىڭ دارىندى، مەيىرىمدى، ءارى ەڭبەكقور بالا بولعانىن ايتادى.
"جاڭا عانا اۋە اپاتى سالدارىنان قازا تاپقاندار تۋرالى تىڭ دەرەكتەر بەلگىلى بولدى. ولاردىڭ اراسىندا 11 جاسار ەلدار جۇماعات پەن ونىڭ اناسى دا بار. مۇعالىمدەردىڭ ايتۋىنشا، ەلدار — دارىندى، مەيىرىمدى، ءارى ەڭبەكقور بالا بولعان. ول بارلىق تانىستارىنىڭ جۇرەگىندە جارقىن ءىز قالدىردى. وقۋ-اعارتۋ مينيسترلىگى قازا بولعانداردىڭ وتباسىنا كوڭىل ايتىپ، ولاردىڭ قايعىسىنا ورتاقتاسادى", — دەلىنگەن حابارلامادا.
