«QazaqAir» اۋە كومپانياسى استانا – تۇركىستان – سامارقان باعىتىندا ۇشاتىن جاڭا اۋە رەيسىن اشادى. بۇل تۋرالى ازاماتتىق اۆياتسيا كوميتەتىنىڭ ءباسپاسوز قىزمەتى مالىمدەدى، دەپ حابارلايدى ”ادىرنا” ۇلتتىق پورتالى.
«بيىلعى جىلدىڭ 1 مامىرىنان باستاپ قازاقستاندىق «QazaqAir» اۋە كومپانياسى استانا – تۇركىستان – سامارقان باعىتى بويىنشا وزبەكستانعا جاڭا باعىت اشۋدى جوسپارلاپ وتىر» – دەلىنگەن ءباسپاسوز حابارلاماسىندا.
بۇل باعىت بويىنشا قاتىنايتىن اۋە كەمەلەرى اپتاسىنا 2 رەت، بەيسەنبى جانە جەكسەنبى كۇندەرى ۇشادى. سولايشا قازاقستان مەن وزبەكستان اراسىنداعى رەيستەردىڭ جالپى سانى اپتاسىنا 42-دەن 44-كە دەيىن ارتپاقشى.
ۇقساس جاڭالىقتار
