Air Astana اۋە كومپانياسىنىڭ فۋكۋوك – الماتى باعىتى بويىنشا رەيسى تەحنيكالىق سەبەپتەرگە بايلانىستى ۆەتنامعا قايتا قوندى، دەپ حابارلايدى "ادىرنا".
كومپانيانىڭ حابارلاۋىنشا، ۇشاق بۇگىن تاڭعى 10:00-دە شىعىپ، ءتورت ساعاتتىق ۇشۋدان كەيىن كەرى ورالعان.
ەكيپاج بورتتاعى بارلىق دارەتحانالاردىڭ تەحنيكالىق اقاۋىنا بايلانىستى كەرى قايتۋ تۋرالى شەشىم قابىلداعان. اۋە كەمەسى جەرگىلىكتى ۋاقىتپەن 14:14-تە ءساتتى قونىپ، اۋەدە شامامەن ءتورت ساعات بولعان.
قازىرگى ۋاقىتتا تەحنيكالىق قىزمەتتەر اقاۋدى جويۋمەن اينالىسىپ جاتىر. اۋە كومپانياسى رەيستىڭ ۇشۋىن 27 جەلتوقسان تاڭعى ساعات 04:00-گە (جەرگىلىكتى ۋاقىتپەن) اۋىستىردى.
جولاۋشىلار قوناقۇيلەرگە ورنالاستىرىلدى.
ۇقساس جاڭالىقتار
