الماتى حالىقارالىق اۋەجايىندا Swiss Air اۋە كومپانياسىنىڭ ۇشاعى شۇعىل قونۋعا ءماجبۇر بولدى. بۇل تۋرالى اۋەجايدىڭ ءباسپاسوز قىزمەتى جازدى، دەپ حابارلايدى «ادىرنا» ءتىلشىسى.
وقىس وقيعا بۇگىن، 6 مامىردا ساعات 12:48-دە بولعان.
«سەۋل – تسيۋريح باعىتى بويىنشا ۇشىپ كەلە جاتقان Swiss Air اۋە كومپانياسىنىڭ Airbus A350 ۇشاعى اپاتتى جاعدايدا الماتى اۋەجايىنا قوندى. قونۋعا ەكىنشى ۇشقىشتىڭ جاعدايى كۇرت ناشارلاپ، جەدەل ابدومينالدىق سيندرومعا كۇدىك تۋىنداۋى سەبەپ بولعان»،– دەلىنگەن حابارلامادا.
ۇشاق جەرگە قونعان ساتتە اۋەجايدىڭ مەديتسينالىق قىزمەتى دايىن تۇرعان. ماماندار ۇشقىشقا العاشقى مەديتسينالىق كومەك كورسەتىپ، كەيىن ونى قالادان كەلگەن جەدەل جاردەم بريگاداسىنا تاپسىرعان.
«قاجەتتى تەكسەرۋلەردەن ءوتىپ، ءارى قاراي ەم الۋ ءۇشىن ۇشقىش №4 قالالىق اۋرۋحاناعا جەتكىزىلدى»، – دەپ ءتۇسىندىردى اۋەجاي وكىلدەرى.
ۇشاق بورتىندا 227 جولاۋشى جانە ەكيپاجدىڭ 14 مۇشەسى بولعان.
