اقتاۋ ماڭىندا اپاتقا ۇشىراعان AZAL («ازەربايجان اۋە جولدارى» جاق) اۋە كومپانياسىنىڭ ۇشاعىنان امان قالعان 14 جولاۋشى ازەربايجانعا جەتكىزىلدى، دەپ حابارلايدى "ادىرنا" ۇلتتىق پورتالى.
ونىڭ ىشىندە ءبىر بالا، ارنايى رەيسپەن ازەربايجانعا جەتتى.
APA اگەنتتىگىنىڭ مالىمەتىنشە، زارداپ شەككەندەردى ازەربايجاننىڭ توتەنشە جاعدايلار مينيسترلىگىنىڭ ارنايى ۇشاعى دارىگەرلەر بريگاداسىنىڭ باقىلاۋىمەن جەتكىزەدى.
سونىمەن قاتار، ازەرتادج اگەنتتىگى حابارلاعانداي، اپاتتان امان قالعان 12 جولاۋشىنىڭ جاعدايىنا بايلانىستى ءارتۇرلى شارالار قولدانىلۋدا.
اگەنتتىكتىڭ حابارلاماسىندا:
"دەنساۋلىعى قاناعاتتانارلىق دەپ باعالانعان 7 ادام تۇراقتى رەيسپەن جەتكىزىلەدى. جاعدايى ورتاشا اۋىر دەپ باعالانعان 5 جولاۋشى ارنايى مەديتسينالىق ۇشاقپەن جىبەرىلەدى", - دەلىنگەن.
ايتا كەتەيىك، ۇشاق اپاتىنان جالعىز امان قالعان ەكيپاج مۇشەسىنىڭ ەسىن جيعانى ايتىلدى.
