Aqtaý mańynda apatqa ushyraǵan AZAL («Ázerbaıjan áýe joldary» JAQ) áýe kompanııasynyń ushaǵynan aman qalǵan 14 jolaýshy Ázerbaıjanǵa jetkizildi, dep habarlaıdy "Adyrna" ulttyq portaly.
Onyń ishinde bir bala, arnaıy reıspen Ázerbaıjanǵa jetti.
APA agenttiginiń málimetinshe, zardap shekkenderdi Ázerbaıjannyń tótenshe jaǵdaılar mınıstrliginiń arnaıy ushaǵy dárigerler brıgadasynyń baqylaýymen jetkizedi.
Sonymen qatar, Azertadj agenttigi habarlaǵandaı, apattan aman qalǵan 12 jolaýshynyń jaǵdaıyna baılanysty ártúrli sharalar qoldanylýda.
Agenttiktiń habarlamasynda:
"Densaýlyǵy qanaǵattanarlyq dep baǵalanǵan 7 adam turaqty reıspen jetkiziledi. Jaǵdaıy ortasha aýyr dep baǵalanǵan 5 jolaýshy arnaıy medıınalyq ushaqpen jiberiledi", - delingen.
Aıta keteıik, ushaq apatynan jalǵyz aman qalǵan ekıpaj múshesiniń esin jıǵany aıtyldy.
