بلوگەر ازامات سارسەنباەۆ اقتاۋداعى ۇشاق اپاتىنان كەيىنگى جاعدايدى درونمەن ۆيدەوعا تۇسىرگەنى ءۇشىن 10 تاۋلىككە اكىمشىلىك قاماۋعا الىندى، دەپ حابارلايدى "ادىرنا" ۇلتتىق پورتالى.
بۇل جاعدايدى ونىڭ ادۆوكاتى ايبەك سۇيىندىكوۆ مالىمدەدى.
ماڭعىستاۋ وبلىسى تۇپقاراعان اۋداندىق سوتىنىڭ ۇكىمىمەن سارسەنباەۆ قۇقىق قورعاۋ ورگانى قىزمەتكەرىنىڭ زاڭدى تالابىنا باعىنباعانى ءۇشىن كىنالى دەپ تانىلىپ، 10 تاۋلىككە قاماۋعا الىنعان.
بلوگەرگە اكىمشىلىك قۇقىقبۇزۋشىلىق تۋرالى كودەكستىڭ 667-بابى "بيلىك وكىلىنىڭ زاڭدى تالابىنا باعىنباۋ" بويىنشا ايىپ تاعىلدى. سوت ءىستىڭ ءمان-جايىن ەسكەرىپ، ەڭ تومەنگى جازانى بەردى.
سوت ۇكىمى ءالى زاڭدى كۇشىنە ەنگەن جوق.
