الماتىدا ءوزىن «ۇستاز» رەتىندە تانىستىراتىن بلوگەر نۇرجان سماعۇلوۆ اكىمشىلىك جاۋاپكەرشىلىككە تارتىلدى، دەپ حابارلايدى "ادىرنا" ۇلتتىق پورتالى.
بۇل تۋرالى الماتى قالالىق ءدىن ىستەرى جونىندەگى باسقارماسى حابارلادى.
سماعۇلوۆ ءوزىنىڭ الەۋمەتتىك جەلىسىندە ازاماتتاردى قورلايتىن مازمۇنداعى ۆيدەوماتەريالدار جاريالاعان. اتاپ ايتقاندا، ول ادامداردى «سيىرلارمەن» سالىستىرىپ، كوپشىلىكتىڭ نارازىلىعىن تۋدىرعان.
اتالعان دەرەك بويىنشا باسقارما قىزمەتكەرلەرى قازاقستان رەسپۋبليكاسىنىڭ اكىمشىلىك قۇقىق بۇزۋشىلىق تۋرالى كودەكسىنىڭ 490-بابى 1-بولىگى 3-تارماقشاسىنا سايكەس اكىمشىلىك حاتتاما تولتىردى.
سوت شەشىمىمەن نۇرجان سماعۇلوۆ كىنالى دەپ تانىلىپ، وعان 25 ايلىق ەسەپتىك كورسەتكىش كولەمىندە، ياعني 108 125 تەڭگە ايىپپۇل سالىندى.
ۇقساس جاڭالىقتار
