TikTok جەلىسىندە اقيىق اقىن ماقاتاەۆتى "سورلى ەركەككە" تەڭەگەن بلوگەر الىشەر تەمەنوۆ كەشىرىم سۇراپ بەينە جاريالادى. تۇسىرىلگەن ۆيدەودا جىگىتتىڭ اقىننىڭ ەسكەرتكىشىنە بارىپ كەشىرىم سۇراعانىن كورۋگە بولادى، دەپ حابارلايدى "ادىرنا" ءتىلشىسى.
روليكتەرىنىڭ بىرىندە مۇقاعالي ماقاتاەۆتى ومىرىنە شاعىمدانا بەرەتىن "سورلى ەركەك" دەپ اتاعان.
"بۇگىن مەنىڭ تۋعان كۇنىم وي ءپالى-اي، مىنا ادامدار نەگە جاتىر تويلاماي" دەيدى. "ەي، سەن ءبىرىنشى جاساساڭشى تۋعان كۇنىڭدى. سوسىن بارامىز عوي. "بانكەت جاساپ بەرەر ەدىم ءوزىم-اق، ءتاڭىردىڭ ءبىر جارىتپاي-اق قويعانى-اي" دەيدى. قۇدايدىڭ نە قاتىسى بار؟ سەنىڭ تۋعان كۇنىڭدە ۇستەلىڭنىڭ جايىلىپ تۇرعانى قۇدايعا بايلانىستى ما؟ ءوزىڭ جاسا! ەركەكسىڭ عوي، نە ءۇشىن وتىرسىڭ مىنا جەردە؟ وتانىڭدى قورعايسىڭ – ەركەكسىڭ، اۋلەتىڭدى قورعايسىڭ – ەركەكسىڭ. ايەلىڭدى قورعايسىڭ – ەركەكسىڭ. ۇكىمەتتەن ء"ۇيدى قاشان بەرەدى" دەپ كۇتىپ وتىرساڭ، وندا سەن ەركەك ەمەسسىڭ", – دەيدى ول.
كەيىننەن الەۋمەتتىك جەلىدە ازاماتتىڭ كەشىرىم سۇراعان بەينەسى جاريالاندى.
الايدا وقىرماندار بلوگەردىڭ بۇل سوزىنە اشۋلانىپ، شاعىمداندى.
ودان بولەك، جەلىدە ونىڭ مۇقاعالي ماقاتاەۆتىڭ ەسكەرتكىشىنىڭ الدىنا بارىپ، باسىن ءيىپ كەشىرىم سۇراعان ۆيدەوسى تارادى.
"قازاق ەلىنىڭ الدىندا جاساپ قويعان ۇلكەن ءبىر ەركەلىگىمدى ارۋاق كەشىرسىن دەگەن نيەتپەن ءدال قازىر مۇقاعالي اتامىزدىڭ ءۇيىنىڭ الدىندا تۇرمىن. بارشا قازاق ەلىنەن جاساعان ۇلكەن قاتەلىگىم ءۇشىن كەشىرىم سۇرايمىن", – دەيدى بلوگەر الىشەر تەمەنوۆ.
