30 جىلدا بىلىققا باتقانداي باتا بەرمەي، ەلگە كىشكەنە بولسا دا وزگەرىس الىپ كەلۋ ماقساتىم - داۋلەت مۇقاەۆ

5038
Adyrna.kz Telegram

داۋلەت مۇقاەۆ ءوز تۋرالى ايتىلعان "دەپۋتات بولۋداعى ماقساتى - قۇرىلىس كومپانيالارىنا قاراجاتتى بۇرۋ جانە لوۆيلدىق قىزمەتتەردى اتقارۋ" دەگەن قاۋەسەتكە جاۋاپ بەردى. ول بۇل تۋرالى "ادىرنا" ۇلتتىق پورتالىنا بەرگەن سۇحباتىندا ايتتى.

"ارينە، مەن باسپانا تۋرالى ءجيى ايتقاندىقتان قۇرىلىس كومپانيالارى جارناما ۇسىنادى. سونداي-اق، ءبىر كومپانيانىڭ برەند-امباسسادورىمىن. سونىڭ ناتيجەسىندە ءۇي اتاۋلارىن قازاقىلاندىرۋعا سەپتىگىم دەيدى. بىراق بۇل ونى بىلدىرمەيدى.
قازاقتىڭ باستى پروبلەماسى - باسپانا. ءاربىر ءتورتىنشى قازاق "ۇلى دالا كۆارتيرانتى". قازاقتا كەمىندە 3 كىلت بولۋ كەرەك. ولار كولىكتىڭ كىلتى، ءوزىنىڭ كەڭسەسىنىڭ كىلتى، ءۇيىنىڭ كىلتى. وسى 3 كىلتكە قاراي تالپىنۋىمىز كەرەك. وسى 3 كىلت بولا ما، ءومىردىڭ كىلتىن تاپقانىڭ دەپ تە ايتامىن. ويتكەنى، باس پروبلەما - باسپانا. ءۇي جوقتىڭ - كۇيى جوق. ءوزىمىز اينالدىرعان 20 ملن حالىقپىز، اينالىپ كەلگەندە ستاتيستيكا وتە قورقىنىشتى. ودان كەيىن مەملەكەتتىك باعدارلامالارعا دا كوڭىلىم تويمايدى. ونى مەن الەۋمەتىك جەلى دە تالاي ايتتىم. بىراق بۇل اڭگىمەلەرىم سول جەردە الىپ قويماي، جوعارى جاقتا دا، مىنبەردە دە ەستىلسە دەيمىن. مەن تاۋ قوپارامىن دەپ ايتا المايمىن. ءار ادام ءوزىنىڭ شاماسى جەتكەنشە كۇرەسۋ كەرەك. شاماسى جەتكەنشە ۇلەسىن قوسۋ كەرەك.
اباي "سەن دە ءبىر كىرپىش دۇنيەگە كەتىگىن تاپ تا، بار قالان" دەيدى. ارقايسىمىز ءوز سالامىزدىڭ كىرپىشى بولۋىمىز كەرەك. سوندا مىقتى كىرپىشتەر جينالىپ، مىقتى مەملەكەت قۇرۋعا بولادى", - دەدى بلوگەر.

سونداي-اق، داۋلەت مۇقاەۆ 30 جىلدا بىلىققا باتقانداي باتا بەرمەي، ەلگە كىشكەنە بولسا دا وزگەرىس اكەلگىسى كەلەتىنىن ايتتى.

ء"بىزدىڭ ەلدە دەپۋتاتتىڭ بەينەسى جەمقور رەتىندە قالىپتاسىپ قالدى، 30 جىلدا دەپۋتات جەپ جاتىر، ەشتەڭە ىستەمەيدى، جىلى جەردە وتىر، ەشتەڭە ايتالمايدى، ەشتە ىستەمەيدى، ميلليون تابادى دەپ مەن اقشا ءۇشىن ەمەس، 30 جىلدا بىلىققا باتقانداي باتا بەرمەي، كىشكەنە بولسا دا وزگەرىس الىپ كەلۋ نەگىزگى ماقسات مەندە...
ساياسات ەرتەڭ نە بولاتىنىن دا بىلمەيمىز، ول سەنى لاقتىرىپ جىبەرۋى دە مۇمكىن، كەرىسىنشە، بارلىعىن ءادىل جاساۋى دا مۇمكىن. مەن بىلمەيمىن. بىراق مەن شامام جەتكەنشە كۇرەسۋ كەرەكپىن", دەدى داۋلەت مۇقاەۆ

پىكىرلەر