توقاەۆ قىتايعا ساپارىندا اقجارقىننىڭ ماسەلەسىن قوزعاي ما؟!

3361
Adyrna.kz Telegram
"قىتاي جوبالارىنا" نارازىلىق ءورشىپ تۇرعان تۇستا 11 قىركۇيەك كۇنى توقاەۆ قىتايعا باردى.

بۇل جونىندە توقاەۆتىڭ ءباسپاسوز حاتشىسى بەرىك ءۋالي "قازاقستان پرەزيدەنتى قىتاي حالىق رەسپۋبليكاسىنا مەملەكەتتىك ساپارمەن كەلدى. قاسىم-جومارت توقاەۆ پەكيندە قازاقستان-قىتاي ىسكەرلىك كەڭەسىنىڭ 6-وتىرىسىنىڭ اشىلۋىنا قاتىسادى جانە قىتاي قوعامدىق عىلىمدار اكادەمياسىندا ءدارىس وقۋى جوسپارلانعان" دەپ قىتايعا نە ءۇشىن بارعانىن ناقتىلاپ ءوتتى.

ناتيجەسىندە توقاەۆ سي تسزينپينمەن كەزدەسىپ، 10 ماڭىزدى قۇجاتقا قول قويدى. ەڭ كوڭىل قۋانتارلىعى، توقاەۆ قىتاي ءتىلىن جەتىك مەڭگەرە تۇرا، ءوز قازاق تىلىندە مۇدىرمەي سويلەدى.

وسى ورايدا پرەزيدەنت قىتاي تۇرمەسىندە جاتقان اقجارقىن تۇرلىبايدىڭ دا ماسەلەسىن شەشىپ كەلەر دەگەن كوڭىلدە جىلت ەتكەن ءۇمىت پايدا بولعان ەدى. بۇل تۋرالى الەۋمەتتىك جەلىدە "توقاەۆ اقجارقىندى تۇرمەدەن شىعارىپ اكەلۋگە كەتكەن شىعار" دەگەن ءتۇرلى تالقىلاۋلار دا ءجۇرىپ جاتىر. سەبەبى 3 قىركۇيەك كۇنى اقجارقىن تۇرلىبايدىڭ شەشۋشى سوتى وتكەنىمەن، ءالى شەشىمى شىعارىلا قويماعان.
سونداي-اق،  اقجارقىننىڭ اناسى زۋحرا سەيتىموۆا 9  قىركۇيەك كۇنى پرەزيدەنتكە ۆيدەو-جولداۋ جولداپ، كومەك سۇراعان ەدى.
"ادىرنا" ۇلتتىق پورتالى
پىكىرلەر