اقتاۋ قالاسىندا جاستار اراسىنداعى قازاقستان چەمپيوناتى كەزىندە سۋدياعا اگرەسسيا كورسەتكەنى ءۇشىن ەكس-مينيستر ەرمەك مارجىقپاەۆتىڭ اعاسى ءارى جاتتىقتىرۋشى ەرىك مارجىقپاەۆ ەكى جىلعا بارلىق بوكستىق جارىستاردان شەتتەتىلدى، دەپ حابارلايدى "ادىرنا" ۇلتتىق پورتالى.
2024 جىلعى 5 جەلتوقساندا وتكەن چەمپيوناتتا اقمولا وبلىسىنىڭ سپورتشىسى دامير يبراگيموۆ پەن استانا قالاسىنىڭ سپورتشىسى كەنەسارىامير مارجىقپاەۆ (جاتتىقتىرۋشىنىڭ ۇلى) كەزدەسكەن. تورەشىلەردىڭ شەشىمىمەن يبراگيموۆ 4:1 ەسەبىمەن جەڭىسكە جەتتى.
جەكپە-جەك اياقتالعان سوڭ، ەرىك مارجىقپاەۆ تورەشىلەردىڭ شەشىمىنە نارازىلىق ءبىلدىرىپ، بالاعات سوزدەر ايتقان. قاقتىعىس فيزيكالىق اگرەسسياعا ۇلاسىپ، ول تورەشىلەردىڭ ءبىرىن ۇرىپ جىبەرگەن.
ەكس-ءمينيستردىڭ اعاسى سپورتتىق ەتيكا مەن ءتارتىپتى ورەسكەل بۇزعانى ءۇشىن جاتتىقتىرۋشىنى 2 جىلعا بوكستان شەتتەتۋ تۋرالى شەشىم قابىلدادى.
"جاتتىقتىرۋشى ەرىك مارجىقپاەۆ سپورتتىق ەتيكاعا سايكەس ەمەس ارەكەتى ءۇشىن جازالانىپ، وڭىرلىك، رەسپۋبليكالىق جانە حالىقارالىق جارىستاردان شەتتەتىلدى،" – دەلىنگەن فەدەراتسيا حابارلاماسىندا.
مارجىقپاەۆ كەيىن ارىپتەستەرىنەن كەشىرىم سۇراعانىمەن، بۇل ونىڭ جازاسىنا اسەر ەتپەگەن.
