ماڭعىستاۋ وبلىسى مۇنايلى اۋدانىنداعى توي سوڭى توبەلەسپەن اياقتالدى، دەپ حابارلايدى "ادىرنا" ۇلتتىق پورتالى Lada.kz سايتىنا سىلتەمە جاساپ.
وقيعا ءساتى تۇسىرىلگەن ۆيدەو الەۋمەتتىك جەلىدە تارادى. كادردان اق كويلەك كيگەن جاستاردىڭ جولدىڭ قاق ورتاسىندا توبەلەسىپ جاتقانىن كورۋگە بولادى.
ماڭعىستاۋ وبلىستىق پوليتسيا دەپارتامەنتىنىڭ مالىمەتىنشە، وقيعا 31 شىلدە كۇنى بولعان. قوناقتار سوزگە كەلىپ قالعان. ناتيجەسىندە جانجال ۇلكەن قاقتىعىسقا ۇلاسقان.
«بارلىق قاتىسۋشىلار انىقتالىپ، ۇستالدى. ولار — 2004–2005 جىلدارى تۋعان جاستار. اتالعان فاكتى بويىنشا قر قىلمىستىق كودەكسىنىڭ 293-بابى — بۇزاقىلىق بويىنشا قىلمىستىق ءىس قوزعالدى. وقيعانىڭ ءمان-جايى انىقتالۋدا»، — دەپ حابارلادى ماڭعىستاۋ وبلىستىق پد.
ۇقساس جاڭالىقتار
