اقتاۋ قالاسىنداعى NIS-تە «نازارباەۆ زياتكەرلىك مەكتەپتەرى» دببۇ 15 جىلدىعىنا وراي «مادەني ديالوگ: قازاقستان جانە ازەربايجان» اتتى حالىقارالىق فورۋمى ءوتتى.
شەتەلدەگى مەكتەپتەرمەن ىنتىماقتاستىقتى ارتتىرۋ ماقساتىندا وتكىزىلگەن فورۋمعا ازەربايجانداعى ازەر جانە ناتيك نوۆرۋزوۆتار اتىنداعى №36 مەكتەپ وكىلدەرى ارنايى قازاقستانعا ۇشىپ كەلدى. سونداي-اق، شاراعا «ازەربايجان ورتالىعى» قوعامدىق قورىنىڭ ديرەكتورى، اقتاۋ قالاسىنداعى ازەربايجان باس كونسۋلىنىڭ كەڭەسشىسى، ش.ەسەنوۆ اتىنداعى كاسپي تەحنولوگيالار جانە ينجينيرينگ ۋنيۆەرسيتەتىنىڭ «حالىقارالىق قاتىناستار» كافەدراسىنىڭ وقىتۋشىسى ورۋدجوۆ يلكين يۋسيف وگلى، «Kaz Fruit» كومپانياسى باسشىسى سافاروۆ زامين دجافاروگلى ارنايى قاتىستى.
«سەرىكتەس مەكتەپتەر» جوباسى اياسىنداعى فورۋمدا ءسوز سويلەگەن باكۋ قالاسىنداعى نوۆرۋزوۆتار اتىنداعى №36 مەكتەپ ديرەكتورى دجافاروۆا گيۋلنارا افگانقىزى بۇل جۇزدەسۋ جاڭا جوبالاردىڭ باستاۋىنا اينالاتىنى انىق ەكەندىگىن ايتتى.
- بۇل جوبانىڭ بىزگە دە، سىزگە دە بەرەرى مول. ەكى تاراپتىڭ جيناقتالعان تاجىريبەلەرى مەن بىلىمدەرىن ءبولىسۋ ارقاسىندا جاقسى ناتيجەگە قول جەتكىزەمىز دەگەن ۇمىتتەمىز،-دەدى №36 مەكتەپ ديرەكتورى گيۋلنارا دجافاروۆا
ەكى تاراپتان دا كوپتەگەن ۇسىنىستار ايتىلىپ، بىرقاتار باعىتتا مەكتەپ ءۇشىن دە ماڭىزى بار ماسەلەلەر تالقىلاندى. فورۋم اشىلۋ سالتاناتى سوڭىندا ءوزارا ىنتىماقتاستىق تۋرالى مەموراندۋمعا قول قويىلدى
- ەكى جاقتى قىزمەتتى جاقسارتۋعا باعىتتالعان ىنتىماقتاستىق تۋرالى مەموراندۋم الداعى ۋاقىتتا بىرلەسكەن جوبالاردى دايىنداۋ جانە وتكىزۋگە ۇلكەن مۇمكىندىكتەر مەن جەتىستىكتەرگە جەتكىزەتىنى ءسوزسىز،- دەدى اقتاۋداعى نازارباەۆ زياتكەرلىك مەكتەبىنىڭ ديرەكتورى رينات جۋماباەۆ
فورۋم وتە ناتيجەلى ءوتىپ، ءوزارا مۇددەلى تاراپتار بايلانىستى نىعايتۋدا بىرلەسە قىزمەت ەتۋگە نيەتتى ەكەندىكتەرىن ءبىلدىرىپ، الدا تىعىز بايلانىستا بولۋعا ۋاعدالاستى.
كەزدەسۋ سوڭىندا قوناقتار ارنايى ازەربايجاننان اكەلگەن اعاشتى مەكتەپ اۋلاسىنا وتىرعىزدى. قازاقتىڭ ۇلتتىق داستۇرىندە ادامگەرشىلىككە باۋليتىن بۇل ءداستۇر ەكى جاقتىڭ دوستىعى اعاش تامىرىنداي جايىلا بەرسىن دەگەن نيەتتە ەگىلدى.
