وڭتۇستىك كورەيا پرەزيدەنتى يۋن سوك ءيولدىڭ كومەكشىلەرى جانە اكىمشىلىك باسشىلارى سارسەنبى كۇنى جاپپاي وتستاۆكاعا كەتتى، دەپ حابارلايدى «ادىرنا» ۇلتتىق پورتالى Yonhap News اگەنتتىگىنە سىلتەمە جاساپ.
وڭتۇستىك كورەيا پرەزيدەنتىنىڭ اكىمشىلىگىندەگى ونعا جۋىق جوعارى لاۋازىمدى قىزمەتكەر وتستاۆكاعا كەتتى. ولاردىڭ ىشىندە پرەزيدەنت اپپاراتىنىڭ باسشىسى چون دجين سوك، ۇلتتىق قاۋىپسىزدىك جونىندەگى كەڭەسشى سين ۆون سيك، ساياسي ماسەلەلەر جونىندەگى اپپارات باسشىسى سون تە يۋن جانە تاعى باسقا جەتى اعا كومەكشى بار.
بۇل وتستاۆكالار 3 جەلتوقسان كۇنى كەشكە پرەزيدەنت يۋن سوك ءيولدىڭ ەلدە اسكەري جاعداي جاريالاپ، وپپوزيتسيانى «انتي-مەملەكەتتىك كۇشتەر» دەپ ايىپتاۋىنان كەيىن بولدى. ول وپپوزيتسيانى ەلدەگى جۇمىس ۇدەرىستەرىن بيۋدجەتتى قىسقارتۋ تۋرالى زاڭ جوباسىن جانە يمپيچمەنت ۇسىنىسىن پايدالانۋ ارقىلى تۇراقسىزداندىرۋعا تىرىسۋدا دەپ ايىپتادى.
دەگەنمەن، وڭتۇستىك كورەيانىڭ ۇلتتىق اسسامبلەياسى بۇل توتەنشە جاعداي رەجيمىن ەنگىزۋ ۇسىنىسىن قابىلداماي، وعان قارسى داۋىس بەردى. ناتيجەسىندە پرەزيدەنت 6 ساعاتتان كەيىن اسكەر جاعداي توقتاتىلدى دەپ حابارلادى.
